ಸರ್ಕಾರ ವರ್ಷ ಪೂರೈಸಿದರೂ, ಆಗದ ಅಭಿವೃದ್ಧಿ: ಹಳ್ಳಿಯಾಗಿಯೇ ಉಳಿದ ದೇವನಹಳ್ಳಿ

ಸುಸಜ್ಜಿತ ರಸ್ತೆ ಒಳ ಚರಂಡಿ ವ್ಯವಸ್ಥೆ ಮತ್ತು ಬಸ್ ನಿಲ್ದಾಣ ಯುವಕರಿಗೆ ಉದ್ಯೋಗ ಸೃಷ್ಟಿ ಪಟ್ಟಣದಲ್ಲಿ ಪಾರ್ಕಿಂಗ್ ವ್ಯವಸ್ಥೆ ಸರ್ಕಾರ ಕಚೇರಿಯಲ್ಲಿ ಲಿಫ್ಟ್ ಶೌಚಾಲಯ ಕೈಗಾರಿಕೆಗಳ ಪಾಲಾಗುತ್ತಿರುವ ಫಲವತ್ತಾದ ಕೃಷಿ ಭೂಮಿ ಉಳಿಸುವುದು ನಕಲಿ ದಾಖಲೆ ಸೃಷ್ಟಿ ಅಕ್ರಮವಾಗಿ ಸರ್ಕಾರ ಜಾಗ ಒತ್ತುವರಿ ತಡೆ ದೇವನಹಳ್ಳಿ- ವಿಜಯಪುರ ಅವಳಿ ನಗರವಾಗಿ ಅಭಿವೃದ್ಧಿಪಡಿಸುವುದು ಕ್ರೀಡಾಂಗಣ ಅಭಿವೃದ್ಧಿ ಒಳಾಂಗಣ ಕ್ರೀಡಾಂಗಣ ನಿರ್ಮಾಣ ಉದ್ಯಾನ ನಿರ್ವಹಣೆ ಹಸಿರೀಕರಣ ಹೆಚ್ಚಿಸಬೇಕು. ತೆರದ ವ್ಯಾಯಾಮ ಶಾಲೆ ನಿರ್ಮಿಸಬೇಕು ಸಂತೆ ಜಾಗದ‌‌ ಸದ್ಬಳಕೆಗೆ ಯೋಜನೆ ರೂಪಿಸುವುದು ಪುರಸಭೆಗೆ ಹೆಚ್ಚುವರಿ‌ ಅನುದಾನ ತಂದು ಹಳೇ‌ ಪಟ್ಟಣದ ಅಭಿವೃದ್ಧಿ

‘ನಾನು ಶಾಸಕನಾದ ಬಳಿಕ ತಾಲ್ಲೂಕಿನ ಸಮಗ್ರ ಅಭಿವೃದ್ಧಿಗೆ ಒತ್ತು ನೀಡಿದ್ದೇನೆ. ರಸ್ತೆ ಕೆರೆ ಮತ್ತು ಶಾಲೆ ಅಭಿವೃದ್ಧಿಗೆ ಒತ್ತು ನೀಡಿದ್ದೇನೆ’ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಚ್‌.ಮುನಿಯಪ್ಪ ಹೇಳಿದರು. ದೇವನಹಳ್ಳಿ-ವಿಜಯಪುರ-ವೇಮಗಲ್ ಎಚ್.ಕ್ರಾಸ್ ನರಸಾಪುರದ ಮೂಲಕ ಹಾದು ಹೋಗುವ ರಸ್ತೆ ಅಭಿವೃದ್ಧಿಗೆ ಬಜೆಟ್‌ನಲ್ಲಿ ₹1400 ಕೋಟಿ ಅನುದಾನ ಘೋಷಣೆ ಮಾಡಿಸಿದ್ದೇನೆ. ಪ್ರತಿ ಗ್ರಾಮ ಪಂಚಾಯಿತಿಗೊಂದರಂತೆ ಸರ್ಕಾರಿ ಶಾಲೆಯನ್ನು ಸಿಎಸ್‌ಆರ್ ಅನುದಾನದಡಿ ಕಾನ್ವೆಂಟ್‌ನಂತೆ ಅಭಿವೃದ್ಧಿಪಡಿಸಲಾಗಿದೆ. ಜಿಲ್ಲಾ ಕ್ರೀಡಾಂಗಣ ಅಭಿವೃದ್ಧಿಗೆ ಕ್ರಮವಹಿಸಲಾಗಿದೆ. ದೇವನಹಳ್ಳಿ ವರೆಗೆಗೂ ಮೆಟ್ರೊ ರೈಲು ತರಲು ಬಜೆಟ್‌ನಲ್ಲಿ ಘೋಷಣೆ ಮಾಡಲಾಗಿದೆ. ಆಲೂರು ದುದ್ದನಹಳ್ಳಿ ಕೆರೆ ಅಭಿವೃದ್ಧಿಗೆ ₹4 ಕೋಟಿ ನೀಡಲಾಗಿದೆ ಎಂದು ತಿಳಿಸಿದರು. ವಾಲ್ಮೀಕಿ ವಿದ್ಯಾರ್ಥಿ ನಿಲಯದ ಕಟ್ಟಡ ನಿರ್ಮಾಣ ಗಂಗವಾರ ಚೌಡಪ್ಪನಹಳ್ಳಿ–ಹೊಸಕೋಟೆ ರಸ್ತೆ ಅಭಿವೃದ್ಧಿ ಗೋಖರೆ ರಸ್ತೆಯಲ್ಲಿ ವಾಲ್ಮೀಕಿ ಭವನ ನಿರ್ಮಾಣಕ್ಕೆ 50 ಲಕ್ಷ ಬಿಡುಗಡೆಯಾಗಿದೆ. ಇರಿಗೇನಹಳ್ಳಿಯ ಬಳಿ ಕಸವಿಲೇವಾರಿ ಘಟಕ ಸ್ಥಾಪನೆ ಮಾಡಲಾಗುತ್ತಿದೆ ಎಂದು ತಿಳಿಸಿದರು.