ನಂದಗುಡಿ: ಬಂದೂಕು ಹಿಡಿದು ಮದ್ಯ ಸಾಲ ಕೇಳಿದ ಕುಡುಕರು!

ನಂದಗುಡಿ (ಹೊಸಕೋಟೆ): ಸಾಲಕ್ಕೆ ಮದ್ಯ ನೀಡಲು ನಿರಾಕರಿಸಿದ ಬಂಡಹಳ್ಳಿಯ ಬಾರ್ ಕ್ಯಾಷಿಯರ್ಗೆ ಮದ್ಯದ ಅಮಲಿನಲ್ಲಿದ್ದ ಗ್ರಾಹಕರಿಬ್ಬರು ಭಾನುವಾರ ರಾತ್ರಿ ನಾಡ ಬಂದೂಕು ತಂದು ಗುಂಡಿಕ್ಕುವುದಾಗಿ ಬೆದರಿಸಿದ್ದಾರೆ.

. ಹಣ ನೀಡದೆ ಮದ್ಯ ನೀಡುವುದಿಲ್ಲ ಎಂದ ಎಸ್ಎಸ್ವಿ ಬಾರ್ ಕ್ಯಾಷಿಯರ್ ನವೀನ್ ವಿರುದ್ಧ ಸಿಟ್ಟಾದ ಬೈಲನರಸಾಪುರ ಗ್ರಾಮದ ಜಾಹೀದ್ವುಲ್ಲಾ ಖಾನ್ ಹಾಗೂ ಆತನ ಸ್ನೇಹಿತ ಮಹಮ್ಮದ್ ಅತಿಕ್ ಮನೆಗೆ ಹೋಗಿ ಬಂದೂಕು ತಂದರು.

. ಬಾರ್ ಒಳಗೆ ನುಗ್ಗಿ ಕೌಂಟರ್ನಲ್ಲಿ ಕುಳಿತಿದ್ದ ನವೀನ್ ಬಂದೂಕು ಗುರಿ ಇಟ್ಟು ಗುಂಡಿಕ್ಕುವುದಾಗಿ ಬೆದರಿಸಿದರು. ಬಂದೂಕು ಕಂಡು ಬೆದರಿದ ಕ್ಯಾಷಿಯರ್ ಒಳಗೆ ಒಡಿಹೋಗಿ ಬಾಗಿಲು ಹಾಕಿಕೊಂಡಿದ್ದರು.

. ಸ್ಥಳದಲ್ಲಿದ್ದವರು ಜಾಹೀದ್ ವುಲ್ಲಾ ಖಾನ್ ಹಾಗೂ ಆತನ ಸ್ನೇಹಿತನನ್ನು ಸಮಾಧಾನ ಪಡಿಸಿ ಅಲ್ಲಿಂದ ಕಳುಹಿಸಿದ್ದರು. ಬಾರ್ನಲ್ಲಿ ನಡೆದ ಈ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

. ಬಾರ್ ಕ್ಯಾಷಿಯರ್ ನೀಡಿದ ದೂರು ಆಧರಿಸಿ ನಂದಗುಡಿ ಪೊಲೀಸರು ಆರೋಪಿಯ ಸ್ನೇಹಿತ ಮಹಮ್ಮದ್ ಅತಿಕ್ ಎಂಬಾತನನ್ನು ಬಂಧಿಸಿದ್ದಾರೆ. ಮುಖ್ಯ ಆರೋಪಿ ಜಾಹೀದ್ವುಲ್ಲಾ ಖಾನ್ ತಲೆಮರೆಸಿಕೊಂಡಿದ್ದು, ಆತನಿಗಾಗಿ ಹುಡುಕಾಟ ನಡೆಸಿದ್ದಾರೆ.

. ಅಂದು ಬಾರ್ನಲ್ಲಿ ನಡೆದದ್ದು ಏನು?

. ಜ.11 ರಂದು ಸಂಜೆ ಎಸ್ಎಸ್ವಿ ಬಾರ್ಗೆ ತೆರಳಿದ್ದ ಜಾಹೀದ್ವುಲ್ಲಾ ಖಾನ್ ಹಾಗೂ ಮಹಮ್ಮದ್ ಅತೀಕ್ ಸಾಲಕ್ಕೆ ಮದ್ಯ ನೀಡುವಂತೆ ಕೌಂಟರ್ನಲ್ಲಿದ್ದ ಕ್ಯಾಷಿಯರ್ನನ್ನು ಪೀಡಿಸಿದರು. ಮಾಲೀಕರ ಅನುಮತಿ ಇಲ್ಲದೆ ಸಾಲ ಕೊಡಲಾಗುದು ಎಂದು ಕ್ಯಾಷಿಯರ್ ನಿರಾಕರಿಸಿದ್ದ.

. ಅದಾದ ನಂತರ ತಮ್ಮಲ್ಲಿದ್ದ ಹಣ ನೀಡಿ ಮದ್ಯ ಖರೀದಿಸಿದ ಆರೋಪಿಗಳು ಅಮಲು ಏರುತ್ತಿದ್ದಂತೆಯೇ ಕ್ಯಾಷಿಯರ್ ಜೊತೆ ಸಾಲಕ್ಕೆ ಮದ್ಯ ಕೊಡದ ಕಾರಣ ಮುಂದಿಟ್ಟುಕೊಂಡು ಜಗಳಕ್ಕಿಳಿದರು. ‘ನಾವು ಯಾರು ಅಂತ ತೋರಿಸ್ತೀವಿ’ ಸವಾಲು ಹಾಕಿ ಅಲ್ಲಿಂದ ಇಬ್ಬರೂ ತೆರಳಿದ್ದರು.

. ಅದಾದ ಅರ್ಧ ತಾಸಿನಲ್ಲಿ ನಾಡ ಬಂದೂಕಿನೊಂದಿಗೆ ಮರಳಿದ ಇಬ್ಬರೂ ಕ್ಯಾಷಿಯರ್ಗೆ ಗುರಿ ಇಟ್ಟು ‘ನಮಗೆ ಸಾಲ ಕೊಡುವುದಿಲ್ವಾ? ಯಾರು ನಿನ್ನ ಮಾಲೀಕ ಕರೀಯೋ’ ಎಂದು ಕೂಗಾಡಿದ್ದಾರೆ. ಬಂದೂಕು ಕಂಡು ಬೆದರಿದ ಕ್ಯಾಷಿಯರ್ ಒಡಿಹೋಗಿ ಬಾಗಿಲು ಹಾಕಿಕೊಂಡಿದ್ದರು.

. ಬಂಡಹಳ್ಳಿ ಬಾರ್ನಲ್ಲಿ ನಡೆದ ಘಟನೆ ಸಂಬಂಧ ಮಹಮ್ಮದ್ ಅತಿಕ್ ಎಂಬಾತನನ್ನು ಬಂಧಿಸಲಾಗಿದೆ. ಪ್ರಮುಖ ಆರೋಪಿ ಜಾಹೀದ್ವುಲ್ಲಾ ಖಾನ್ಗಾಗಿ ಹುಡುಕಾಟ ನಡೆಸಿದ್ದೇವೆ. –ಶಾಂತಾರಾಮ್, ಪಿಎಸ್ಐ ನಂದಿಗುಡಿ ಪೊಲೀಸ್ ಠಾಣೆ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಂದಗುಡಿ: ಬಂದೂಕು ಹಿಡಿದು ಮದ್ಯ ಸಾಲ ಕೇಳಿದ ಕುಡುಕರು!

ಪವರ್‌ ಟಿ.ವಿ ರಾಕೇಶ್‌ ಶೆಟ್ಟಿಗೆ 3 ತಿಂಗಳ ಜೈಲು

ಚಿನಕುರುಳಿ Cartoon: ಮಂಗಳವಾರ, 13 ಜನವರಿ 2026

ಚುರುಮುರಿ: ಧನಲಕ್ಷ್ಮೀ ವಿಚಾರ

ಸಿದ್ದರಾಮಯ್ಯ ಜೊತೆ ನಾನು ವೇದಿಕೆ ಹಂಚಿಕೊಳ್ಳುವುದಿಲ್ಲ: ಬಸವಜಯ ಸ್ವಾಮೀಜಿ

IND vs NZ: ಮಗದೊಂದು ಸಚಿನ್ ದಾಖಲೆ ಮುರಿದ ಕಿಂಗ್ ಕೊಹ್ಲಿ

ದೆಹಲಿ ವಾಯು ಮಾಲಿನ್ಯ ತೀವ್ರ; ಇಂಡಿಯಾ ಓಪನ್‌ನಿಂದ ಹಿಂದೆ ಸರಿದ ವಿಶ್ವ ನಂ.3 ಆಟಗಾರ

ಐಸಿಸಿ ಏಕದಿನ ರ‍್ಯಾಂಕಿಂಗ್‌ನಲ್ಲಿ 5ನೇ ಬಾರಿ ಅಗ್ರಸ್ಥಾನಕ್ಕೇರಿದ ವಿರಾಟ್‌ ಕೊಹ್ಲಿ

IND vs NZ| ಕನ್ನಡಿಗ ರಾಹುಲ್‌ ಶತಕ: ಕಿವೀಸ್‌ಗೆ 285 ರನ್‌ ಗುರಿ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಪವರ್‌ ಟಿ.ವಿ ರಾಕೇಶ್‌ ಶೆಟ್ಟಿಗೆ 3 ತಿಂಗಳ ಜೈಲು

ಚಿನಕುರುಳಿ Cartoon: ಮಂಗಳವಾರ, 13 ಜನವರಿ 2026

ಚುರುಮುರಿ: ಧನಲಕ್ಷ್ಮೀ ವಿಚಾರ

ಸಿದ್ದರಾಮಯ್ಯ ಜೊತೆ ನಾನು ವೇದಿಕೆ ಹಂಚಿಕೊಳ್ಳುವುದಿಲ್ಲ: ಬಸವಜಯ ಸ್ವಾಮೀಜಿ