ಯುವಕನ ಸಮಯಪ್ರಜ್ಞೆ: ಪ್ರಾಣಾಪಾಯದಿಂದ ಪಾರಾದ ಪರೀಕ್ಷಾರ್ಥಿಗಳು

ಸಮೀಪದ ಕಳ್ಳಿಗುದ್ದಿ ಗ್ರಾಮದ ಕಿರಣ ಅಪ್ಪಣ್ಣ ಸಂಕ್ರಿ ಅಪಾಯ ತಪ್ಪಿಸಿದವರು.

ಅವರೂ ಸೇರಿದಂತೆ 18 ಮಂದಿ ಕ್ರೂಷರ್ ವಾಹನದಲ್ಲಿ ಹೋಗುವಾಗ ಚಾಲಕ ಕೆಲಕಾಲ ಮೂರ್ಛೆ ಹೋಗಿದ್ದರಿಂದ ಅಪಾಯ ಎದುರಾಗಿತ್ತು.

‘ವಾಹನ ಚಾಲಕನ ನಿಯಂತ್ರಣ ತಪ್ಪುತ್ತಿದ್ದುದ್ದನ್ನು ಗಮನಿಸಿದ ಪಕ್ಕದಲ್ಲಿದ್ದ ಕಿರಣ್ ಅದನ್ನು ಕೂಡಲೇ ನಿಯಂತ್ರಿಸಿದರು. ವಾಹನವನ್ನು ರಸ್ತೆ ಪಕ್ಕಕ್ಕೆ ನಿಲ್ಲಿಸಿದರು. ಎಲ್ಲರೂ ಸೇರಿ ಚಾಲಕನಿಗೆ ಆರೈಕೆ ಮಾಡಿದೆವು. ಬಳಿಕ ಕಿರಣ್‌ ಬೆಳಗಾವಿವರೆಗೂ ವಾಹನ ಚಲಾಯಿಸಿಕೊಂಡು ಹೋದರು. ಎಲ್ಲರೂ ಸಮಯಕ್ಕೆ ಸರಿಯಾಗಿ ಪರೀಕ್ಷೆಗೆ ಹಾಜರಾದೆವು’ ಎಂದು ಇಲ್ಲಿನ ಪರೀಕ್ಷಾರ್ಥಿಗಳು ‘ಪ್ರಜಾವಾಣಿ’ಗೆ ತಿಳಿಸಿದರು.