ಅಥಣಿ: ವಿವಿಧ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಮಹೇಶ ಕುಮಠಳ್ಳಿ ಗುರುವಾರ ಚಾಲನೆ ನೀಡಿದರು.
‘₹ 50 ಲಕ್ಷ ವೆಚ್ಚದಲ್ಲಿ ರಾಘವೇಂದ್ರ ಮಠದ ಸಮುದಾಯ ಭವನ, ಮುರಗುಂಡಿ ಗ್ರಾಮದಲ್ಲಿ ₹ 65 ಲಕ್ಷ ಅನುದಾನದಲ್ಲಿ ಮುರಗುಂಡಿ-ತಂಗಡಿ ಗ್ರಾಮದ ರಸ್ತೆ, ನಂದೇಶ್ವರದಲ್ಲಿ ₹ 78 ಲಕ್ಷದಲ್ಲಿ ನಂದೇಶ್ವರ- ನಂದಗಾಂವ ರಸ್ತೆ ಕಾಮಗಾರಿಗಳನ್ನು ಕೈಗೊಳ್ಳಲಾಗುತ್ತಿದೆ’ ಎಂದು ತಿಳಿಸಿದರು.
‘ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಎಲ್ಲ ಸಮಾಜದ ಅಭಿವೃದ್ಧಿಗೆ ಆದ್ಯತೆ ನೀಡಿವೆ. ತಾಲ್ಲೂಕಿನಲ್ಲಿ ಈಗಾಗಲೇ 10 ಸಮುದಾಯ ಭವನಗಳ ನಿರ್ಮಾಣಕ್ಕೆ ಚಾಲನೆ ನೀಡಲಾಗಿದೆ. ಕೊರೊನಾ ಸಂಕಷ್ಟದಿಂದ ಆರ್ಥಿಕ ಸ್ಥಿತಿ ಸರಿ ಇಲ್ಲದಿದ್ದರೂ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಅವರು ಕ್ಷೇತ್ರಕ್ಕೆ ಹೆಚ್ಚಿನ ಅನುದಾನ ಒದಗಿಸುತ್ತಿದ್ದಾರೆ. ಆದ್ದರಿಂದ, ಅಭಿವೃದ್ಧಿ ಕಾರ್ಯಕ್ಕೆ ಯಾವುದೇ ತೊಂದರೆ ಆಗಿಲ್ಲ’ ಎಂದರು.
ಮುಖಂಡರಾದ ರಮೇಶಗೌಡಾ ಪಾಟೀಲ, ಅರವಿಂದರಾವ ದೇಶಪಾಂಡೆ, ಅನಿಲರಾವ ದೇಶಪಾಂಡೆ, ಮಹೇಶ ಪಾಟೀಲ, ಮಲ್ಲಿಕಾರ್ಜುನ ಅಂದಾನಿ, ಅರ್ಜುನ ನಾಯಿಕ, ಅರುಣ ಯಲಗುದ್ರಿ, ಎಲ್.ವಿ. ಕುಲಕರ್ಣಿ, ರಾಜು ಗುಡೋಡಗಿ, ನೀರಾವರಿ ಇಲಾಖೆ ಅಧಿಕಾರಿಗಳಾದ ಬಿ.ಆರ್. ರಾಥೋಡ, ಕೆ.ಕೆ. ಜಾಲಿಬೇರಿ ಇದ್ದರು.
