‘ಯಾರದೋ ದುಡ್ಡು ಯಲ್ಲಮ್ಮನ ಜಾತ್ರೆ’

7

‘ಯಾರದೋ ದುಡ್ಡು ಯಲ್ಲಮ್ಮನ ಜಾತ್ರೆ’

Published:
Updated:
Deccan Herald

ಹೊಸಪೇಟೆ: ಗಣೇಶ ಉತ್ಸವದ ಅಂಗವಾಗಿ ಇಲ್ಲಿನ ಏಕದಂತ ಮಿತ್ರವೃಂದ ಮಂಡಳಿಯು ರಾಣಿಪೇಟೆಯಲ್ಲಿ ಶುಕ್ರವಾರ ರಾತ್ರಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಗಾಯಕ ವಾಸು ದೀಕ್ಷಿತ್‌ ಅವರು ನಡೆಸಿಕೊಟ್ಟ ಸಂಗೀತ ಕಾರ್ಯಕ್ರಮ ಎಲ್ಲರ ಮನಸೂರೆಗೊಳಿಸಿತು.

ಜನಪದ ಹಾಡುಗಳು, ವಚನಗಳನ್ನು ಫ್ಯೂಶನ್‌, ರಾಕ್‌ ಶೈಲಿಯಲ್ಲಿ ಹಾಡಿ ಗಮನ ಸೆಳೆದರು. ‘ಯಾರದೋ ದುಡ್ಡು ಯಲ್ಲಮ್ಮನ ಜಾತ್ರೆ’, ‘ಪುಕ್ಸಟ್ಟೆ ದುಡ್ಡು’, ‘ಕಳಬೇಡ, ಕೊಲಬೇಡ’, ‘ಉಳ್ಳವರು ಶಿವಾಲಯವ ಮಾಡುವರು, ನಾನೇನೂ ಮಾಡಲಿ ಬಡವನಯ್ಯ’ ವಚನಗಳನ್ನು ಗಿಟಾರ್‌ ನುಡಿಸುತ್ತ ವಿಶಿಷ್ಟ ಶೈಲಿಯಲ್ಲಿ ಹಾಡಿದರು. ಅದಕ್ಕೆ ಸ್ವತಃ ಅವರೇ ಹೆಜ್ಜೆ ಹಾಕಿದರು.

ಸಂಜೆ ಏಳು ಗಂಟೆ ಸುಮಾರಿಗೆ ಆರಂಭವಾದ ರಸಮಂಜರಿ ಕಾರ್ಯಕ್ರಮ ರಾತ್ರಿ ಹತ್ತರ ವರೆಗೆ ನಡೆಯಿತು.ಅವರ ಪ್ರತಿ ಹಾಡಿಗೂ ಪ್ರೇಕ್ಷಕರು ಶಿಳ್ಳೆ, ಕರತಾಡನ ಹೊಡೆದು ಮೆಚ್ಚುಗೆಯ ಸುರಿಮಳೆ ಹರಿಸಿದರು. ವಿವಿಧ ಕಡೆಗಳಿಂದ ನೂರಾರು ಸಂಖ್ಯೆಯಲ್ಲಿ ಜನ ಬಂದದ್ದರಿಂದ ರಾಣಿಪೇಟೆ ಮುಖ್ಯರಸ್ತೆ ಭರ್ತಿಯಾಗಿತ್ತು. ಕುರ್ಚಿಗಳು ಸಿಗದಿದ್ದರೂ ಕೆಲವರು ನಿಂತುಕೊಂಡೇ ಕಾರ್ಯಕ್ರಮ ವೀಕ್ಷಿಸಿದರು.

ರಸ್ತೆಯುದ್ದಕ್ಕೂ ಎಲ್‌.ಇ.ಡಿ. ಸ್ಕ್ರೀನ್‌ಗಳನ್ನು ಅಳವಡಿಸಲಾಗಿತ್ತು. ಮಾರ್ಗದುದ್ದಕ್ಕೂ ವಿದ್ಯುದ್ದೀಪಲಂಕಾರ ಮಾಡಲಾಗಿತ್ತು. ಭಗವಾ ಧ್ವಜಗಳು ರಾರಾಜಿಸುತ್ತಿದ್ದವು. ಶಾಸಕ ಆನಂದ್‌ ಸಿಂಗ್‌ ಹಾಗೂ ಮಂಡಳಿಯ ಸದಸ್ಯರು ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !