ಕಾರಿನ ಆಮಿಷವೊಡ್ಡಿ ₹ 46 ಸಾವಿರ ವಂಚನೆ

’ವಂಚನೆ ಸಂಬಂಧ ಶಾಂತಿನಗರ ನಿವಾಸಿಯಾದ ವಿದ್ಯಾರ್ಥಿ ದೂರು ನೀಡಿದ್ದಾರೆ. ಆರೋಪಿ ನಿತೀಶ್ ಕುಮಾರ್ ಎಂಬಾತನ ವಿರುದ್ಧ ಎಫ್ಐಆರ್ ದಾಖಲಿಸಿಕೊಳ್ಳಲಾಗಿದೆ’ ಎಂದು ಪೊಲೀಸರು ಹೇಳಿದರು.

‘ವಿದ್ಯಾರ್ಥಿ ಮೊಬೈಲ್‌ಗೆ ಸಂದೇಶ ಕಳುಹಿಸಿದ್ದ ಆರೋಪಿ, ‘ನಿಮ್ಮ ಮೊಬೈಲ್‌ ನಂಬರ್‌ಗೆ ₹16 ಲಕ್ಷ ಮೌಲ್ಯದ ಕಾರು ಬಹುಮಾನ ಬಂದಿದೆ. ನೋಂದಣಿ ಶುಲ್ಕ, ವಿಮೆ ಕಂತು ಹಾಗೂ ಸಾರಿಗೆ ವೆಚ್ಚ ಪಾವತಿಸಿದರೆ, ಕಾರನ್ನು ನೀಡುತ್ತೇವೆ’ ಎಂದಿದ್ದ. ಅದನ್ನು ನಂಬಿದ್ದ ವಿದ್ಯಾರ್ಥಿ, ಹಂತ ಹಂತವಾಗಿ ₹ 46 ಸಾವಿರ ಪಾವತಿಸಿದ್ದರು. ಅದಾದ ನಂತರ ಆರೋಪಿ ನಾಪತ್ತೆಯಾಗಿದ್ದಾನೆ’ ಎಂದು ಪೊಲೀಸರು ತಿಳಿಸಿದರು.