‘ಕರ್ನಾಟಕ ವಿಧಾನಸಭೆಯ ಶಿಷ್ಟಾಚಾರ ವಿಭಾಗವು ಶಾಸಕ ಎನ್.ಎ. ಹ್ಯಾರೀಸ್ ಹೆಸರಿನಲ್ಲಿ ವಿತರಿಸಿದ್ದ ಅಧಿಕೃತ ಸ್ಟಿಕ್ಕರ್ ಹೊಂದಿದ್ದ ಕಾರು ಹಫೀಜ್ ಮನೆಯಲ್ಲಿ ಪತ್ತೆಯಾಗಿದೆ. ಹ್ಯಾರೀಸ್ ಮಗ, ರಾಜ್ಯ ಯುವ ಕಾಂಗ್ರೆಸ್ ಮುಖಂಡ ಮೊಹಮ್ಮದ್ ಹ್ಯಾರೀಸ್ ನಲಪಾಡ್ ಈ ಕಾರನ್ನು ಖರೀದಿಸಿದ್ದು, ನಫೀಹ್ ಮುಹಮ್ಮದ್ ನಾಸೀರ್ ಎಂಬಾತನ ಹೆಸರಿನಲ್ಲಿ ನೋಂದಣಿ ಮಾಡಿಸಲಾಗಿತ್ತು ಎಂಬುದು ತನಿಖೆ ವೇಳೆ ಪತ್ತೆಯಾಗಿದೆ. ನಾಸೀರ್, ಶಾಸಕ ಹ್ಯಾರೀಸ್ ಅವರ ಸಂಬಂಧಿ ಹಾಗೂ ರಾಜಕೀಯ ಬೆಂಬಲಿಗ ಕೂಡ ಹೌದು’ ಎಂದು ಇ.ಡಿ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.