ಬೆಂಗಳೂರು: ಅಕ್ರಮವಾಗಿ ನಡೆಯುತ್ತಿದ್ದ ಹುಕ್ಕಾ ಬಾರ್ಗಳ ಮೇಲೆ ಸಿಸಿಬಿ ಪೊಲೀಸರು ಬುಧವಾರ ರಾತ್ರಿ ದಾಳಿ ಮಾಡಿದ್ದು, ಐವರನ್ನು ಬಂಧಿಸಿದ್ದಾರೆ.
‘ಹೊಸೂರು ಮುಖ್ಯರಸ್ತೆಯಲ್ಲಿರುವ ‘ಫಾಗ್ ಲಾಗ್’ ಹುಕ್ಕಾ ಬಾರ್ ಮೇಲೆ ದಾಳಿ ಮಾಡಲಾಯಿತು. ವ್ಯವಸ್ಥಾಪಕ ನಿಜಾಮ್, ಕ್ಯಾಷಿಯರ್ ದಾವೂದ್ ಅರ್ಫತ್ ಹಾಗೂ ಸದ್ದಾಂ ಹುಸೇನ್ ಎಂಬುವರನ್ನು ಬಂಧಿಸಲಾಗಿದೆ. ಮಾಲೀಕ ರಿಜ್ವಾನ್ ತಲೆಮರೆಸಿಕೊಂಡಿದ್ದಾರೆ’ ಎಂದು ಸಿಸಿಬಿ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದರು.
‘ಆರೋಪಿಗಳಿಂದ ಹುಕ್ಕಾ ಸಲಕರಣೆಗಳು ಹಾಗೂ ₹ 5,200 ನಗದು ಜಪ್ತಿ ಮಾಡಲಾಗಿದೆ’ ಎಂದರು.
‘ಸುದ್ದುಗುಂಟೆ ಪಾಳ್ಯ ಠಾಣೆ ವ್ಯಾಪ್ತಿಯ ‘ಮೂಡ್ಪೈಪ್ ಕೆಫೆ’ ಹುಕ್ಕಾ ಬಾರ್ ಮೇಲೂ ದಾಳಿ ಮಾಡಲಾಯಿತು. ವ್ಯವಸ್ಥಾಪಕ ಹಾಗೂ ಕ್ಯಾಷಿಯರ್ನನ್ನು ಬಂಧಿಸಲಾಗಿದೆ. ₹4,200 ನಗದು ಜಪ್ತಿ ಮಾಡಲಾಗಿದೆ’ ಎಂದು ಅಧಿಕಾರಿ ತಿಳಿಸಿದರು.