ವೃದ್ಧಾಪ್ಯ ವೇತನ ಹೆಸರಿನಲ್ಲಿ ಚಿನ್ನಾಭರಣ ಕದ್ದ

ಆ ಸಂಬಂಧ ಕಾಂತಮ್ಮ, ಕಮರ್ಷಿಯಲ್ ಸ್ಟ್ರೀಟ್ ಠಾಣೆಗೆ ದೂರು ನೀಡಿದ್ದಾರೆ.

‘ಅನಾರೋಗ್ಯದಿಂದ ಬಳಲು ತ್ತಿರುವ ಪತಿಗೆ ಚಿಕಿತ್ಸೆ ಕೊಡಿಸಲು ಇದೇ 23ರಂದು ಆಸ್ಪತ್ರೆಗೆ ಹೋಗಿದ್ದೆ. ಅಲ್ಲಿಂದ ವಾಪಸ್ ಬರುವಾಗ ಆಸ್ಪತ್ರೆಯ ಪ್ರವೇಶ ದ್ವಾರದಲ್ಲೇ ಅಪರಿಚಿತನೊಬ್ಬ ಭೇಟಿಯಾಗಿದ್ದ’ ಎಂದು ಕಾಂತಮ್ಮ ದೂರಿನಲ್ಲಿ ತಿಳಿಸಿದ್ದಾರೆ.

‘ವೃದ್ಧಾಪ್ಯ ವೇತನ ಕೊಡಿಸುವುದಾಗಿ ಹೇಳಿದ್ದ ಅಪರಿಚಿತ, ನನ್ನ ಫೋಟೊ ತೆಗೆಸಬೇಕೆಂದು ಹೇಳಿ ಶಿವಾಜಿ ನಗರ ಬಸ್‌ ನಿಲ್ದಾಣ ಬಳಿ ಕರೆ ದೊಯ್ದಿದ್ದ. ಕೊರಳಲ್ಲಿದ್ದ ಚಿನ್ನದ ಸರಗಳು ಫೋಟೊದಲ್ಲಿ ಬಂದರೆ, ವೃದ್ಧಾಪ್ಯ ವೇತನ ಸಿಗುವುದಿಲ್ಲವೆಂದು ಹೇಳಿ ಬಿಚ್ಚಿಸಿಕೊಂಡಿದ್ದ. ಆಭರಣಗಳನ್ನು ತನ್ನ ಕಿಸೆಯಲ್ಲಿ ಇಟ್ಟುಕೊಂಡಿದ್ದ. ಛಾಯಾಗ್ರಾಹಕ ನನ್ನು ಕರೆತರುವುದಾಗಿ ಹೇಳಿ ಸ್ಥಳದಿಂದ ಹೊರಟು ಹೋದ ಆತ, ವಾಪಸ್ ಬಂದಿಲ್ಲ’ ಎಂದು ಅವರು ಹೇಳಿದ್ದಾರೆ.

ಕಮರ್ಷಿಯಲ್ ಪೊಲೀಸರು, ‘ವೃದ್ಧೆ ಬಳಿ ಚಿನ್ನಾಭರಣ ಇರುವುದನ್ನು ನೋಡಿಕೊಂಡೇ ಆರೋಪಿ ಕೃತ್ಯ ಎಸಗಿದ್ದಾನೆ. ಘಟನಾ ಸ್ಥಳದಲ್ಲಿರುವ ಸಿ.ಸಿ.ಟಿ.ವಿ ಕ್ಯಾಮೆರಾ ದೃಶ್ಯಗಳನ್ನು ಪರಿಶೀಲಿಸಲಾಗುತ್ತಿದೆ’ ಎಂದು ತಿಳಿಸಿದರು.