ಸೋಮವಾರ, ಆಗಸ್ಟ್ 10, 2020
21 °C

ಸಹಾಯದ ನೆಪದಲ್ಲಿ ₹64,500 ಕಿತ್ತ ವಿದೇಶಿ ಪ್ರಜೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ‘ಫೇಸ್‌ಬುಕ್‌ನಲ್ಲಿ ಪರಿಚಯವಾಗಿದ್ದ ಮರ್ಸಿ ಕ್ಲಿಂಟೋನಾ ಎಂಬಾತ, ಸಹಾಯ ಮಾಡುವ ನೆಪದಲ್ಲಿ ₹64,500 ಪಡೆದುಕೊಂಡು ವಂಚಿಸಿದ್ದಾನೆ’ ಎಂದು ಆರೋಪಿಸಿ ನರೇಂದ್ರ ಎಂಬುವರು ದಕ್ಷಿಣ ವಿಭಾಗದ ಸೈಬರ್ ಕ್ರೈಂ ಠಾಣೆಗೆ ದೂರು ನೀಡಿದ್ದಾರೆ.

‘ಸಹೋದರನಿಗೆ ಫೇಸ್‌ಬುಕ್‌ನಲ್ಲಿ ಪರಿಚಯವಾಗಿದ್ದ ಆರೋಪಿ ಮರ್ಸಿ, ಚಾಟಿಂಗ್ ಮಾಡುತ್ತಿದ್ದ. ಆತನ ವಾಟ್ಸ್‌ಆ್ಯಪ್ ನಂಬರ್ ಪಡೆದು ನಾನೂ ಸಂಪರ್ಕಿಸಿದ್ದೆ. ಹಣದ ಅವಶ್ಯಕತೆ ಇರುವುದಾಗಿ ಆತನಿಗೆ ಹೇಳಿದ್ದೆ. ಸಹಾಯ ಮಾಡುವುದಾಗಿ ತಿಳಿಸಿದ್ದ ಆತ, ಹಣ ಹಾಗೂ ಉಡುಗೊರೆ ಕಳುಹಿಸುವುದಾಗಿ ಹೇಳಿದ್ದ.’

‘ಕೆಲ ದಿನಗಳ ನಂತರ ಆರ್‌ಬಿಐ ಅಧಿಕಾರಿಗಳ ಸೋಗಿನಲ್ಲಿ ಕರೆ ಮಾಡಿದ್ದ ವ್ಯಕ್ತಿಯೊಬ್ಬ, ‘ವಿದೇಶದಲ್ಲಿರುವ ಮರ್ಸಿ ಎಂಬುವರು ಹಣ ಹಾಗೂ ಉಡುಗೊರೆ ಪಾರ್ಸೆಲ್ ಕಳುಹಿಸಿದ್ದಾರೆ. ಶುಲ್ಕ ಪಾವತಿಸಿದರೆ ನಿಮ್ಮ ವಿಳಾಸಕ್ಕೆ ಕಳುಹಿಸುತ್ತೇವೆ’ ಎಂದಿದ್ದ. ಅದನ್ನು ನಂಬಿ ಹಣ ಪಾವತಿ ಮಾಡಿದ್ದೆ’ ಎಂದು ದೂರಿನಲ್ಲಿ ನರೇಂದ್ರ ತಿಳಿಸಿದ್ದಾರೆ. 

ಸೈಬರ್ ಪೊಲೀಸರು, ‘ಫೇಸ್‌ಬುಕ್‌ನಲ್ಲಿ ನಕಲಿ ಖಾತೆ ತೆರೆದು ಆರೋಪಿ ವಂಚಿಸಿರುವ ಸಾಧ್ಯತೆ ಇದೆ’ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.