ಐಎಂಎ ಮಾದರಿ ವಂಚನೆ 9 ಕಂಪನಿಗಳಿಗೆ ನೋಟಿಸ್‌

ಈ ಕುರಿತು ನರೇಂದ್ರ ಕುಮಾರ್ ಸೇರಿದಂತೆ 7 ಜನರು ಸಲ್ಲಿಸಿರುವ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಮುಖ್ಯ ನ್ಯಾಯಮೂರ್ತಿ ಅಭಯ್‌ ಎಸ್‌.ಓಕಾ ಹಾಗೂ ನ್ಯಾಯಮೂರ್ತಿ ಎಸ್‌.ಆರ್‌.ಕೃಷ್ಣಕುಮಾರ್ ಅವರಿದ್ದ ವಿಭಾಗೀಯ ನ್ಯಾಯಪೀಠ ಶುಕ್ರವಾರ ವಿಚಾರಣೆ ನಡೆಸಿತು. ‘ಅಕ್ಟೋಬರ್‌ 18ರೊಳಗೆ ವರದಿ ಸಲ್ಲಿಸಿ’ ಎಂದು ಸೂಚಿಸಿತು.

ಪ್ರಕರಣದಲ್ಲಿ ಅ್ಯಂಬಿಡೆಂಟ್ ಮಾರ್ಕೆಟಿಂಗ್ ಪ್ರೈವೇಟ್ ಲಿಮಿಟೆಡ್, ಅಜ್ಮೇರಾ ಗ್ರೂಪ್, ಇಂಜಾಸ್ ಇಂಟರ್‍ನ್ಯಾಷನಲ್, ಮುಜರಿಬಾ ಬುಲಿಯನ್ ಟ್ರೇಡಿಂಗ್ ಎಲ್‍ಎಲ್‍ಪಿ, ಆಲಾ ವೆಂಚರ್ಸ್, ಐ ಮಾನಿಟರಿ ಅಡ್ವೈಸರಿ, ಬುರ್ರಾಖ್ ಯುನಿಟಿ ಎಲ್‍ಎಲ್‍ಪಿ, ಮೊರ್ಗೆನಾಲ್ ಹಾಗೂ ನಾಫಿಯಾ ಮಾನಿಟರಿ ಅಡ್ವೈಸರಿ ಕಂಪೆನಿಗಳನ್ನು ಪ್ರತಿವಾದಿಗಳನ್ನಾಗಿ ಮಾಡಲಾಗಿದೆ.

‘ಪ್ರತಿವಾದಿ ಕಂಪನಿಗಳು ಸಾರ್ವಜನಿಕರಿಂದ ಕೋಟ್ಯಂತರ ಮೊತ್ತವನ್ನು ಹೂಡಿಕೆ ಮಾಡಿಸಿಕೊಂಡು ವಂಚಿಸಿವೆ. ಈ ಬಗ್ಗೆ ಜಿಲ್ಲಾಧಿಕಾರಿ ಮತ್ತು ಉಪವಿಭಾಗಾಧಿಕಾರಿಗೆ ಪತ್ರಗಳನ್ನು ಬರೆದರೂ ಪ್ರಯೋಜನವಾಗಿಲ್ಲ’ ಎಂಬುದು ಅರ್ಜಿದಾರರ ಆಕ್ಷೇಪ.