ಗಣೇಶ ಚತುರ್ಥಿಗೆ ಉಚಿತ ಔಷಧ ವಿತರಣೆ

ಬೆಂಗಳೂರು: ಗಣೇಶ ಚತುರ್ಥಿ ಅಂಗವಾಗಿ ಬೆಂಗಳೂರು ಮಹಾನಗರ ಗಣೇಶ ಉತ್ಸವ ಸಮಿತಿಯು ರೋಗ ನಿರೋಧಕ ಶಕ್ತಿ ವೃದ್ಧಿಸುವ ಹೋಮಿಯೋಪತಿ 'ಅರ್ಸೆನಿಕ್ ಅಲ್ಬಮ್-30' ಔಷಧವನ್ನು ಸಾರ್ವಜನಿಕರಿಗೆ ಉಚಿತವಾಗಿ ವಿತರಿಸುವ ಕಾರ್ಯಕ್ರಮವನ್ನು ಇದೇ 22ರಂದು ಹಮ್ಮಿಕೊಂಡಿದೆ.

ಸೋಮವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ರಾಜು,' ಈ ಔಷಧವನ್ನು ಹಬ್ಬದ ಅಂಗವಾಗಿ ಏಳು ಲಕ್ಷ ಮಂದಿಗೆ ವಿತರಿಸಲು ಸಮಿತಿ ನಿರ್ಧರಿಸಿದೆ.

ಇದಕ್ಕೆ ಡಾ.ಜಿವಿಸಿ ಹೋಮಿಯೋ ಪತಿ ಸೆಲ್ಫ್ ರಿಲಯನ್ಸ್ ಫೋರಂ ಸಂಸ್ಥೆ ಕೈಜೋಡಿಸಿದೆ. ಔಷಧ ಪಡೆಯಲು ಇಚ್ಛಿಸುವವರು 9380760925 ಸಂಖ್ಯೆಗೆ ಸಂದೇಶ ಕಳುಹಿಸಬಹುದು' ಎಂದು ಮಾಹಿತಿ ನೀಡಿದರು.

‘ಕೊರೊನಾ ಕಾರಣಕ್ಕೆ ಈ ಬಾರಿಯ ಗಣೇಶ ಚತುರ್ಥಿ ಆಚರಣೆಗೆ ಪಾಲಿಕೆ ಸೂಚಿಸಿರುವ ಎಲ್ಲ ನಿಯಮಗಳನ್ನು ಗಣೇಶೋತ್ಸವ ಸಮಿತಿಗಳು ಪಾಲಿಸಬೇಕು. ಹಬ್ಬದ ವೇಳೆ ಸಾಮೂಹಿಕ ಮೆರವಣಿಗೆಗಳನ್ನು ನಡೆಸದಿರಲು ಸಮಿತಿ ನಿರ್ಧರಿಸಿದೆ' ಎಂದು ಹೇಳಿದರು.