ಆನೆ ಬಂದಿತ್ತು

ಹುಣ್ಣಿಮೆ ದಿನವೆ ನಿನಾದ ಕಂದನ

ಮನೆ ಬಾಗಿಲಿಗೆ ಆನೆ ಬಂದಿತ್ತು

ಸೊಂಡಿಲನಾಡಿಸಿ ಗಂಟೆಯ ಬಾರಿಸಿ

ಹೆಜ್ಜೆಯ ಮೇಲೆ ಹೆಜ್ಜೆಯನಿಕ್ಕುತ

ಆನೆ ಬಂದಿತ್ತು ಮುದ್ದಿನ ಆನೆ ಬಂದಿತ್ತು

ಸೊಪ್ಪು ಸೋಗೆ ಕಬ್ಬಿನ ಜಲ್ಲೆ

ಜಗಿಯಲು ಬಂದಿತ್ತು

ಆನೆ ಜಗಿಯಲು ಬಂದಿತ್ತು

ಬೆಲ್ಲದ ಉಂಡೆ ಬಾಳೆಯ ಹಣ್ಣು

ನುಂಗಲು ಬಂದಿತ್ತು

ಆನೆ ನುಂಗಲು ಬಂದಿತ್ತು

ತಿನಿಸನು ಮೆಲ್ಲುತ ಸೊಂಡಿಲನಾಡಿಸಿ

ನಿನಾದ ಕಂದಗೆ ಸಲಾಮು ಹೊಡೆದು

ಮುಂದಕೆ ಸಾಗಿತ್ತು ಆನೆ ಮುಂದಕೆ ಸಾಗಿತ್ತು