ಚಾಲಕನ ದೇಹದಲ್ಲಿ 412 ಮಿ.ಗ್ರಾಂ ಮದ್ಯ!

‘7ನೇ ಹಂತದ 17ನೇ ಮುಖ್ಯರಸ್ತೆಯಲ್ಲಿ ಅಪಘಾತ ಎಸಗಿದ್ದ ರಾಜೇಂದ್ರನನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿ ವೈದ್ಯರಿಂದ ವರದಿ ಪಡೆಯಲಾಗಿದೆ’ ಎಂದು ಪೊಲೀಸರು ಹೇಳಿದರು.

‘ಆರೋಪಿ ರಾಜೇಂದ್ರ, ಅಡ್ಡಾದಿಡ್ಡಿಯಾಗಿ ಕಾರು ಚಲಾಯಿಸಿ ಫುಟ್‌ಪಾತ್‌ ಮೇಲೆ ಏರಿಸಿ ಜನರಿಗೆ ಡಿಕ್ಕಿ ಹೊಡೆಸಿದ್ದ. ನಂತರ, ಹೋಟೆಲ್ ಒಳಗೆ ಕಾರು ನುಗ್ಗಿಸಿದ್ದ. ಘಟನೆಯಲ್ಲಿ ಗಾಯಗೊಂಡಿದ್ದ ಏಳು ಮಂದಿ ಪೈಕಿ ಮೂವರಿಗೆ ಗಂಭೀರ ಗಾಯಗಳಾಗಿವೆ. ಅದರಲ್ಲಿ ಒಬ್ಬರು, ಚಿಕಿತ್ಸೆ ಪಡೆದು ಮನೆಗೆ ಹೋಗಿದ್ದಾರೆ. ಇನ್ನಿಬ್ಬರು ಆಸ್ಪತ್ರೆಯಲ್ಲಿದ್ದಾರೆ’ ಎಂದರು.

ಹೊರ ರಾಜ್ಯದಲ್ಲಿ ಮಾಲೀಕ: ‘ಉದ್ಯಮಿ ಶಂಸುದ್ದೀನ್ ಎಂಬುವರ ಮಾಲೀಕತ್ವದ ಕಾರನ್ನು ಆರೋಪಿ ಚಲಾಯಿಸುತ್ತಿದ್ದ. ಉದ್ಯಮಿ ಸದ್ಯ ಹೊರರಾಜ್ಯದಲ್ಲಿದ್ದು, ವಿಚಾರಣೆಗೆ ಬರುವಂತೆ ನೋಟಿಸ್ ನೀಡಿದ್ದೇವೆ’ ಎಂದು ಪೊಲೀಸರು ಮಾಹಿತಿ ನೀಡಿದರು.

ಇದನ್ನೂ ಓದಿ :ಪಾನಮತ್ತ ಚಾಲಕನಿಂದ ಅಡ್ಡಾದಿಡ್ಡಿ ಚಾಲನೆ: ಜನರತ್ತ ನುಗ್ಗಿದ ಕಾರು, 7 ಮಂದಿಗೆ ಗಾಯ