ಜೀವ ಬೆದರಿಕೆ, ಹಣ ನೀಡುವಂತೆ ಬೇಡಿಕೆ: ಜೈಲಿನ ಒಳಗೆ ಇನ್ನೂ ನಿಲ್ಲದ ಅಕ್ರಮ

‘ಜೈಲಿನೊಳಗೆ ಕೈದಿಗಳಿಗೆ ಹೇಗೆ ಮೊಬೈಲ್‌ ಲಭಿಸುತ್ತಿದೆ ಎಂಬುದರ ಕುರಿತು ತನಿಖೆ ನಡೆಸಲಾಗುತ್ತಿದೆ’ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ. ‘ಪರಪ್ಪನ ಅಗ್ರಹಾರ ಕಾರಾಗೃಹದ ಮೇಲೆ ಸೆಪ್ಟೆಂಬರ್‌ನಲ್ಲಿ ಸಿಸಿಬಿ ದಾಳಿ ನಡೆಸಿದಾಗ 15 ಮೊಬೈಲ್‌ಗಳು ಪೆನ್‌ಡ್ರೈವ್‌ ಚಾಕು ನಗದು ಹಾಗೂ ಎಲೆಕ್ಟ್ರಿಕ್ ಸ್ಟೌ ಸೇರಿದಂತೆ ನಿಷೇಧಿತ ವಸ್ತುಗಳು ಪತ್ತೆ ಆಗಿದ್ದವು. ಆಗ ಕಾರಾಗೃಹದ ಭದ್ರತಾ ಪಡೆ ಸಿಬ್ಬಂದಿ ವಿಚಾರಣಾಧೀನ ಕೈದಿಗಳು ಹಾಗಾ ಸಜಾ ಕೈದಿಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗಿತ್ತು. ಈಗಲೂ ಮೊಬೈಲ್‌ಗಳು ಜೈಲಿನಲ್ಲಿರುವ ಅನುಮಾನವಿದ್ದು ಮತ್ತೆ ದಿಢೀರ್‌ ದಾಳಿ ನಡೆಸಿ ಪರಿಶೀಲಿಸಲಾಗುವುದು’ ಎಂದು ಪೊಲೀಸ್‌ ಮೂಲಗಳು ಹೇಳಿವೆ.