ಹೊಟ್ಟೆ ಸೇರಿದ್ದ ಅಯಸ್ಕಾಂತ ಹೊರಕ್ಕೆ: ಬಾಲಕ ಬಚಾವ್‌!

ಹೊಟ್ಟೆ ನೋವು ಮತ್ತು ವಾಂತಿ ಅನುಭವ ತೀವ್ರವಾದಾಗ ಬಾಲಕ ನಡೆದ ವಿಷಯವನ್ನು ಪಾಲಕರಿಗೆ ತಿಳಿಸಿದ್ದಾನೆ. ಪಾಲಕರು ಆತನನ್ನು ಆಸ್ಪತ್ರೆಗೆ ಕರೆತಂದಿದ್ದಾರೆ. ಮಕ್ಕಳ ವೈದ್ಯ ಡಾ. ಅರುಣ್ ಗಾರ್ಗ್‌ ಎಂಡೋಸ್ಕೋಪಿ ಮೂಲಕ ಯಶಸ್ವಿಯಾಗಿ ಆಯಸ್ಕಾಂತಗಳನ್ನು ಹೊರ ತೆಗೆದಿದ್ದಾರೆ.ಬಾಲಕ ಈಗ ಆರೋಗ್ಯವಾಗಿದ್ದಾನೆ.

ಸವಾಲಿನ ಎಂಡೋಸ್ಕೋಪಿ

ಇದು ಮಾಮೂಲಿ ಎಂಡೋಸ್ಕೋಪಿ ಆಗಿರಲಿಲ್ಲ. ಅಯಸ್ಕಾಂತಗಳೆರಡೂ ಹೊಟ್ಟೆಯಲ್ಲಿ ಅಂಟಿಕೊಂಡೇ ಇರುವುದು ಸ್ಕ್ಯಾನಿಂಗ್‌ನಲ್ಲಿ ಸ್ಪಷ್ಟವಾಗಿ ಕಾಣುತ್ತಿತ್ತು. ಇದನ್ನು ಹೊರತೆಗೆಯಲು ವೈದ್ಯರು ತಾಸುಗಟ್ಟಲೇ ಹೆಣಗಾಡಬೇಕಾಯಿತು.

‘ಎರಡು ತಾಸು ಹೊಟ್ಟೆಯಲ್ಲಿಯೇ ಅಯಸ್ಕಾಂತಗಳು ಇದ್ದಿದ್ದರೆ ಕರುಳಿನಲ್ಲಿ ಸೇರಿಕೊಂಡು ಅಪಾಯ ಎದುರಾಗುತ್ತಿತ್ತು. ಅಷ್ಟರಲ್ಲಿ ಸರಿಯಾದ ಚಿಕಿತ್ಸೆ ಸಿಕ್ಕಿದ್ದರಿಂದ ಬಾಲಕ ಬದುಕುಳಿದಿದ್ದಾನೆ. ಅಯಸ್ಕಾಂತಗಳೆರಡೂ 4ಸೆಂ.ಮೀ ಉದ್ದ ಇದ್ದವು. ಕರುಳಿಗೆ ಹೋಗಿ ಸೇರಿಕೊಳ್ಳದಿರುವುದೇ ಆಶ್ಚರ್ಯ.ಅಂಟಿಕೊಂಡಿದ್ದ ಪ್ರಬಲ ಅಯಸ್ಕಾಂತಗಳನ್ನು ಶಸ್ತ್ರಚಿಕಿತ್ಸೆ ಇಲ್ಲದೆ ಎಂಡೋಸ್ಕೋಪಿ ನೆರವಿನಿಂದ ಹೊರ ತೆಗೆದಿದ್ದೇ ಒಂದು ಸಾಹಸ' ಎಂದು ಡಾ. ಗಾರ್ಗ್ ಪ್ರತಿಕ್ರಿಯಿಸಿದ್ದಾರೆ.