‘ಹೆಸರಘಟ್ಟವನ್ನು ಹಿಂದೆ ವ್ಯಾಸರಘಟ್ಟ ಎಂದು ಕರೆಯುತ್ತಿದ್ದರು. ವ್ಯಾಸರು ಈ ಊರಿಗೆ ಬಂದು ತಪಸ್ಸು ಮಾಡಿದರು. ವ್ಯಾಸರು ತಪಸ್ಸು ಮಾಡಿದ ಕಾಲದಲ್ಲಿ ಜೋಡಿ ಎತ್ತುಗಳು ಅವರನ್ನು ಕಾಯುತ್ತಿದ್ದವು ಎಂದು ನಮ್ಮ ಹಿರಿಯರು ಹೇಳಿದ್ದರು. ಅಂದಿನಿಂದಲೂ ಜೋಡೆತ್ತಿನ ಪೂಜೆಯನ್ನು ಮಾಡುತ್ತಾ ಬರಲಾಗಿದೆ’ ಎಂದು ಗ್ರಾಮದ ನಿವಾಸಿ ಹಿರಿಯರಾದ ಸೋಮಜ್ಜ ಹೇಳಿದರು. ‘ಹಿಂದಿನಿಂದಲೂ ಈ ಪದ್ಧತಿ ನಡೆದುಕೊಂಡು ಬಂದಿದೆ. ಈ ಬಾರಿ ಮಳೆಯಾಗದಿರುವುದರಿಂದ ಮಳೆಗಾಗಿ ಪ್ರಾರ್ಥನೆ ಸಲ್ಲಿಸಲಾಗಿದೆ’ ಎಂದು ಗ್ರಾಮದ ನಿವಾಸಿ ಮಂಜುನಾಥ್ ಹೇಳಿದರು.
