‘ಕೋವಿಡ್‌ನಿಂದಾಗಿ ಒಂದೂವರೆ ವರ್ಷದಿಂದ ಕ್ಯಾಬ್‌ನಲ್ಲಿ ಎಸಿ ಹಾಕಿರಲಿಲ್ಲ. ಕ್ಯಾಬ್ ಹತ್ತಿದ ಕೂಡಲೇ ಸಂಜನಾ ಅವರು ಎಸಿ ಹಾಕುವಂತೆ ದಬಾಯಿಸಿದರು. ಹೀಗಾಗಿ ಎಸಿ ಆನ್‌ ಮಾಡಿ ಒಂದು ಪಾಯಿಂಟ್‌ಗೆ ಇಟ್ಟಿದ್ದೆ. ಬಳಿಕ ಅವರೇ ಬಲವಂತದಿಂದ ಎಸಿ ಹೆಚ್ಚಿಸಿದರು. ಕ್ಯಾಬ್ ಹತ್ತಿದಾಗ ಅವರು ಮುಖಗವಸು ಧರಿಸಿರಲಿಲ್ಲ. ಮೊದಲು ಮುಖಗವಸು ಧರಿಸಿ. ಬಳಿಕ ಎಸಿ ಹಾಕುತ್ತೇನೆ ಎಂದು ಹೇಳಿದೆ. ಆ ವಿಚಾರವಾಗಿ ಮತ್ತೆ ವಾಗ್ವಾದ ನಡೆಸಿದರು. 100 ಮೀಟರ್ ದೂರ ಹೋದ ಬಳಿಕ ಮುಖಗವಸು ಧರಿಸಿದರು. ಕ್ಯಾಬ್ ಹತ್ತಿದ ಬಳಿಕ ಬಾಗಿಲು ಕೂಡ ಸರಿಯಾಗಿ ಹಾಕಿರಲಿಲ್ಲ. ನಾನೇ ಕಾರಿನಿಂದ ಇಳಿದು ಬಾಗಿಲು ಹಾಕಿದ್ದೆ’ ಎಂದು ಚಾಲಕ ದೂರಿದ್ದಾರೆ.
