‘ಪಿಯು ಪರೀಕ್ಷೆಯನ್ನು ಸರ್ಕಾರಿ, ಅನುದಾನಿತ, ಖಾಸಗಿ ಎಂಬ ಭೇದ ಇಲ್ಲದೆ ಎಲ್ಲರಿಗೂ ಒಟ್ಟಾಗಿ ನಡೆಸಲಾಗುತ್ತಿದೆ. ಆದರೆ ತರಬೇತಿಯನ್ನು ಮಾತ್ರ ಸರ್ಕಾರಿ, ಅನುದಾನಿತ ಕಾಲೇಜು ಉಪನ್ಯಾಸಕರಿಗೆ ನೀಡುವುದರ ಔಚಿತ್ಯವೇನು? ಪ್ರಶ್ನೆಪತ್ರಿಕೆ ತಯಾರಿಯ ಬಗ್ಗೆಯೂ ಗೊತ್ತಿರುವುದು ಈ ಎರಡು ವರ್ಗದ ಉಪನ್ಯಾಸಕರಿಗೆ ಮಾತ್ರ. ಖಾಸಗಿ ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಈ ಮೂಲಕ ಭಾರಿ ಅನ್ಯಾಯ ಆಗುತ್ತಿದ್ದು, ಇಂತಹ ತಾರತಮ್ಯವನ್ನು ನಿವಾರಿಸಬೇಕು’ ಎಂದು ಹಲವು ಖಾಸಗಿ ಕಾಲೇಜುಗಳ ಉಪನ್ಯಾಸಕರು ಆಗ್ರಹಿಸಿದ್ದಾರೆ.