ಗಾಜಿನ ಮನೆ ಮಧ್ಯಭಾಗದಲ್ಲಿ ಸಬರಮತಿ ಆಶ್ರಮ, ನಂತರ ಧ್ಯಾನಾಸಕ್ತ ಗಾಂಧಿಯ ಮೂರ್ತಿ, ಕೊನೆಯಲ್ಲಿ ರಾಜ್ಘಾಟ್ ಪ್ರತಿರೂಪಗಳು ನಿರ್ಮಾಣಗೊಳ್ಳಲಿವೆ. ಗಾಜಿನ ಮನೆಯ ಎಡಭಾಗದಲ್ಲಿ10 ಅಡಿ ಅಗಲ, 10 ಅಡಿ ಉದ್ದ ಹಾಗೂ 12 ಅಡಿ ಎತ್ತರದ ಬಾಪು ಕುಟೀರ ನಿರ್ಮಾಣವಾಗಲಿದೆ. ಅದರ ಪಕ್ಕ ಊಟಿಯ ಶೀತವಲಯದ ಹೂಗಳು ಇರಲಿವೆ. ಬಲಭಾಗದಲ್ಲಿ ವರ್ಟಿಕಲ್ ಉದ್ಯಾನದ ಮಾದರಿಗಳು ಹಾಗೂ‘ಕೆಟ್ಟದ್ದನ್ನು ಕೇಳಬೇಡ, ಕೆಟ್ಟದ್ದನ್ನು ನೋಡಬೇಡ, ಕೆಟ್ಟದ್ದನ್ನು ಮಾತನಾಡಬೇಡ’ ಎಂಬ ಸಂದೇಶ ಸಾರುವಮೂರು ಕೋತಿಗಳೂ ರೂಪ ತಾಳಲಿವೆ.