ಗರ್ಭಿಣಿಯರ ಪ್ರಸವಪೂರ್ವ ಆರೋಗ್ಯ ತಪಾಸಣೆ, ಹೆರಿಗೆ ವೇಳೆ ಅಪಾಯ ಉಂಟಾಗುವ ಸಾಧ್ಯತೆ ಇದ್ದರೆ ಅವರನ್ನು ಆಸ್ಪತ್ರೆಗೆ ದಾಖಲಿಸುವುದು, ಪ್ರತಿರೋಧಕ ಲಸಿಕೆ ನೀಡುವುದು, ರಕ್ತದಕೊರತೆ ಇರುವವರಿಗೆ ಕಬ್ಬಿಣ ಮತ್ತು ಫೋಲಿಕ್ ಆಮ್ಲಯುಕ್ತ ಗುಳಿಗೆ ನೀಡುವುದು, ವಿಟಮಿನ್ ಕೊರತೆ, ಪೌಷ್ಠಿಕಾಂಶ ಕೊರತೆ ಇರುವವರ ಚಿಕಿತ್ಸೆ ಕೊಡಿಸುವ ಕಾರ್ಯಗಳನ್ನು ಈ ವೈದ್ಯಕೀಯ ತಂಡ ನಿರ್ವಹಿಸಲಿದೆ. ಹೆಚ್ಚಿನ ಚಿಕಿತ್ಸೆ ಅಗತ್ಯ ಇರುವವರನ್ನು ಆಸ್ಪತ್ರೆಗೆ ದಾಖಲಿಸಲಿದೆ.