‘ತಿಂಗಳ ಬಳಿಕ ಕಾಲೇಜು ವೆಬ್ಸೈಟ್ ಪರಿಶೀಲಿಸಿದಾಗ, ಪ್ರವೇಶ ಪಡೆದ ವಿದ್ಯಾರ್ಥಿಗಳ ಪಟ್ಟಿಯಲ್ಲಿ ನನ್ನ ಮಗಳ ಹೆಸರು ಇರಲಿಲ್ಲ. ಆ ಬಗ್ಗೆ ವಿಚಾರಿಸಲು ವಿಜಯ್ಗೆ ಕರೆ ಮಾಡಿದರೆ, ಆತ ತನಗೇನೂ ಸಂಬಂಧ ಇಲ್ಲದವನಂತೆ ಮಾತನಾಡಿದ್ದ. ಹಣ ವಾಪಸ್ ಕೊಡಿಸುವುದಾಗಿ ಗೆಳೆಯ ಹೇಳಿದ್ದರಿಂದ ಇಷ್ಟು ದಿನ ಸುಮ್ಮನಿದ್ದೆ. ಆದರೀಗ, ಆರೋಪಿ ಮೊಬೈಲ್ ಸ್ವಿಚ್ಡ್ಆಫ್ ಮಾಡಿಕೊಂಡು ಓಡಾಡುತ್ತಿದ್ದಾನೆ. ಅವನನ್ನು ಪತ್ತೆ ಮಾಡಿ, ಸೂಕ್ತ ಕ್ರಮ ಜರುಗಿಸಬೇಕು’ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.