ಸೋಮವಾರ, 20 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೆಸ್ಕಾಂ ಮಾಹಿತಿ ಪಡೆದ ಬಿಬಿಎಂಪಿ: ವಂಚಕರಿಂದ ₹130 ಕೋಟಿ ಸಂಗ್ರಹ

ವಾಣಿಜ್ಯ ಬಳಕೆ ಕಟ್ಟಡಕ್ಕೆ ವಸತಿ ತೆರಿಗೆ ಪಾವತಿ
Last Updated 14 ನವೆಂಬರ್ 2022, 20:46 IST
ಅಕ್ಷರ ಗಾತ್ರ

ಬೆಂಗಳೂರು: ನಗರದಲ್ಲಿ ಆಸ್ತಿ ವಿವರವನ್ನು ತಪ್ಪಾಗಿ ನಮೂದಿಸಿ ತೆರಿಗೆ ವಂಚಿಸುತ್ತಿರುವವರನ್ನು ಪತ್ತೆಹಚ್ಚಿ, ಕ್ರಮ ಕೈಗೊಳ್ಳುವ ಅಭಿಯಾನವನ್ನು ಬಿಬಿಎಂಪಿಆರಂಭಿಸಿದೆ. ಈ ಮೂಲಕ ಸುಮಾರು ₹130 ಕೋಟಿ ಅಧಿಕ ತೆರಿಗೆಯನ್ನು ಈವರೆಗೆ ಸಂಗ್ರಹಿಸಲಾಗಿದೆ.

ಬೆಸ್ಕಾಂವಿದ್ಯುತ್‌ ಬಿಲ್‌ ಆಧರಿಸಿ ಆಸ್ತಿ ತೆರಿಗೆಯನ್ನು ಅದರೊಂದಿಗೆ ಪರಿಶೀಲಿಸಲಾಗುತ್ತಿದೆ. 20 ಸಾವಿರಕ್ಕೂ ಹೆಚ್ಚು ಆಸ್ತಿಗಳ ತೆರಿಗೆ ಪ್ರಕರಣದಲ್ಲಿ ಕಡಿಮೆ ತೆರಿಗೆ ಪಾವತಿಯಾಗುತ್ತಿರುವುದು ಕಂಡುಬಂದಿದೆ.

ಬಿಬಿಎಂಪಿವ್ಯಾಪ್ತಿಯಲ್ಲಿಸ್ವಯಂಘೋಷಣೆ ಆಸ್ತಿ ತೆರಿಗೆ ವ್ಯವಸ್ಥೆ ಜಾರಿಯಲ್ಲಿ ಇದರಂತೆ ಆಸ್ತಿ ಮಾಲೀಕರು ಸಲ್ಲಿಸುವ ದಾಖಲೆಯಂತೆ ತೆರಿಗೆನಿರ್ಧರಿತವಾಗುತ್ತದೆ. ಇದರಲ್ಲಿ ಹಲವು ರೀತಿಯ ತಪ್ಪು ಮಾಹಿತಿ ಇದ್ದು, ವಾಣಿಜ್ಯ ಬಳಕೆಯಲ್ಲಿರುವ ಆಸ್ತಿಗೆವಸತಿತೆರಿಗೆಪಾವತಿಸಲಾಗುತ್ತಿದೆ.

‘ಬೆಸ್ಕಾಂನಿಂದ ನಾವುಡೇಟಾತೆಗೆದುಕೊಂಡಿದ್ದೇವೆ. ಸುಮಾರು 25 ಸಾವಿರ ಆಸ್ತಿಗಳ ಮಾಹಿತಿಯನ್ನು ಪಡೆದುಕೊಂಡಿದ್ದೇವೆ. ಇದನ್ನು ಆಸ್ತಿ ತೆರಿಗೆಯೊಂದಿಗೆ ಪರಿಶೀಲಿಸಿದ್ದೇವೆ. ವಸತಿಕಟ್ಟಡ ಎಂದು ಆಸ್ತಿ ತೆರಿಗೆಪಾವತಿಸಲಾಗುತ್ತಿದೆ. ಆದರೆ,ಬೆಸ್ಕಾಂನಿಂದವಾಣಿಜ್ಯ ಸಂಪರ್ಕ ಪಡೆದಿದ್ದಾರೆ.ಇದುಆಸ್ತಿ ತೆರಿಗೆಯನ್ನು ವಂಚಿಸಿದಂತಾಗಿದೆ’ ಎಂದುಬಿಬಿಎಂಪಿಕಂದಾಯ ವಿಭಾಗದ ವಿಶೇಷ ಆಯುಕ್ತ ದೀಪಕ್‌ ತಿಳಿಸಿದರು.

‘ಪ್ರಥಮ ಹಂತವಾಗಿ ನಾವುಬೆಸ್ಕಾಂನಿಂದವಾಣಿಜ್ಯ ಬಳಕೆಯ ವಿದ್ಯುತ್‌ ಸಂಪರ್ಕವನ್ನು ಯಾರಿಗೆ ನೀಡಿದ್ದಾರೆ ಎಂಬ ಮೂಲ ಮಾಹಿತಿಯನ್ನುಪಡೆದುಕೊಂಡಿದ್ದೇವೆ. ಈ ಸಂಪರ್ಕದ ಕಟ್ಟಡದವರುವಸತಿಅಥವಾ ವಾಣಿಜ್ಯ ಆಸ್ತಿ ತೆರಿಗೆ ಯಾವುದು ಎಂದುಪಾವತಿಸುತ್ತಿದ್ದಾರೆ ಎಂದುಪರಿಶೀಲಿಸಲಾಗಿದೆ. ನಮಗೆ ಸಾಕಷ್ಟು ವ್ಯತ್ಯಾಸ ಕಂಡುಬಂದಿದ್ದು, ಸುಮಾರು ₹130 ಕೋಟಿ ಹೆಚ್ಚು ಆಸ್ತಿ ತೆರಿಗೆ ಈಪ್ರಕ್ರಿಯೆಯಿಂದಲೇಪಾವತಿ ಮಾಡಿಸಿಕೊಳ್ಳಲಾಗಿದೆ’ ಎಂದರು.

‘ವಸತಿ ದರದಲ್ಲಿ ಆಸ್ತಿ ತೆರಿಗೆ ಮಾಡುತ್ತಿದ್ದು, ವಾಣಿಜ್ಯಬಳಕೆಯಾಗುತ್ತಿದ್ದರೆಆ ಬಗ್ಗೆ ಸ್ಥಳ ಪರಿಶೀಲನೆ ನಡೆಸಲಾಗುತ್ತಿದೆ. ವಾಣಿಜ್ಯ ಬಳಕೆಎಂಬುದುಸಾಬೀತಾದ ಮೇಲೆ ತೆರಿಗೆಯನ್ನು ನಿರ್ಧಾರಮಾಡಿ, ಎಷ್ಟು ದಿನಗಳಿಂದ ಪಾವತಿಮಾಡಿಲ್ಲವೋಅದಕ್ಕೆಲ್ಲ ಬಡ್ಡಿ, ದಂಡ ಎಲ್ಲವನ್ನೂ ಹಾಕಿ ಪಾವತಿ ಮಾಡಿಸಿಕೊಳ್ಳಲಾಗುತ್ತಿದೆ’ ಎಂದರು.

‘ಸುಮಾರು 25 ಸಾವಿರ ಆಸ್ತಿಗಳ ಬಗ್ಗೆಬೆಸ್ಕಾಂನಿಂದಮಾಹಿತಿ ಪಡೆಯಲಾಗಿದ್ದು, 20 ಸಾವಿರ ಆಸ್ತಿಗಳ ಪರಿಶೀಲನೆ ಆಗಿದೆ. ಇನ್ನುಳಿದ ಐದುಸಾವಿರಷ್ಟುಆಸ್ತಿಗಳ ಪರಿಶೀಲನೆ ಬಾಕಿ ಇದೆ.ಇದುಮುಗಿದ ಮೇಲೆ ಮುಂದಿನ ಹಂತದಲ್ಲಿಬಿಬಿಎಂಪಿವ್ಯಾಪ್ತಿಯ ಎಲ್ಲ ಆಸ್ತಿಗಳ ಪರಿಶೀಲನೆ ಮಾಡಲಾಗುತ್ತದೆ’ ಎಂದು ಮಾಹಿತಿ ನೀಡಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT