<p><strong>ಹುಮನಾಬಾದ್: </strong>ಖಾಸಗಿ ಶಾಲೆಗಳ ಪೈಪೋಟಿ ನಡುವೆಯೂ ನಗರದ ವಾಂಜ್ರಿ ಬಡಾವಣೆಯ ಸರ್ಕಾರಿ ಪ್ರಾಥಮಿಕ ಶಾಲೆಯ ಶಿಕ್ಷಕರು ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಲು ಪ್ರಯತ್ನಿಸುತ್ತಿದ್ದಾರೆ. ಉತ್ತಮ ಪ್ರಜೆಗಳನ್ನಾಗಿಸಲು ಅವರು ಪಣ ತೊಟ್ಟಿದ್ದಾರೆ.<br /> 2005ರಲ್ಲಿ ಆರಂಭಗೊಂಡ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 2 ಹಳೆಯ ಮತ್ತು 9 ಹೊಸ ಕೋಣೆಗಳು ಸೇರಿ ಒಟ್ಟು 11ವರ್ಗ ಕೋಣೆಗಳಿವೆ. ವಿವಿಧ ವರ್ಗದ ಮಕ್ಕಳಿಗೆ ಶಿಕ್ಷಕರು ಉತ್ತಮ ರೀತಿಯಲ್ಲಿ ಪಾಠ ಮಾಡುತ್ತಾರೆ.</p>.<p>ಮಕ್ಕಳಿಗೆ ಕಬಡ್ಡಿ, ಲೇಜಿಮ್, ಡಂಬಲ್ಸ್ ಮೊದಲಾದ ಕ್ರೀಡೆಗಳ ತರಬೇತಿ ನೀಡಲಾಗುತ್ತದೆ. ಚಿಕ್ಕ ಗ್ರಂಥಾಲಯ, ಲೇಜಿಮ್, ಡಂಬಲ್ಸ್, 2 ಡೋಲ್ ಸೇರಿ ಒಂದಿಷ್ಟು ಕ್ರೀಡಾ ಸಾಮಗ್ರಿಗಳಿದ್ದು, ಮಕ್ಕಳಿಗೆ ಉಪಯುಕ್ತವಾಗಿವೆ.</p>.<p>2011ನೇ ಸಾಲಿನಲ್ಲಿ ಸರ್ಕಾರವು 5 ಕಂಪ್ಯೂಟರ್, ಎನ್.ಜಿ.ಪಿ.ಎಲ್ ಯೋಜನೆಯಡಿ 1 ಕಲರ್ ಟಿವಿ ಒದಗಿಸಿತ್ತು. ರೇಡಿಯೋ ಸಹ ಇದೆ. ಸರ್ಕಾರಿ ಕೆಲಸಕ್ಕಾಗಿ ಇಲ್ಲಿದ್ದ 5 ಕಂಪ್ಯೂಟರ್ಗಳನ್ನು ತಹಶೀಲ್ದಾರ್ ಕಚೇರಿಗೆ ಒಯ್ಯಲಾಗಿದೆ.</p>.<p>ಶಾಲೆಗೆ ಕಾಂಪೌಂಡ್ ಸೌಲಭ್ಯ ಕೂಡ ಸಮರ್ಪಕವಾಗಿಲ್ಲ. ಸಮತಟ್ಟಾದ ನೆಲವಿರದ ಮಕ್ಕಳಿಗೆ ಮೈದಾನ ಸೌಲಭ್ಯವೂ ಇಲ್ಲ. ಮಕ್ಕಳಿಗೆ ಆಟವಾಡಲು ಮತ್ತು ದೈಹಿಕ ಶಿಕ್ಷಣ ಶಿಕ್ಷಕರಿಂದ ಕ್ರೀಡಾ ತರಬೇತಿ ಪಡೆಯಲು ಕಷ್ಟವಾಗುತ್ತದೆ.<br /> ಶಾಲಾ ಆವರಣದಲ್ಲಿ ಎಲ್ಲಿ ಬೇಕೆಂದಲ್ಲಿ ಗಿಡಗಂಟಿಗಳು ಬೆಳೆದಿದ್ದು, ಹುಳುಹುಪ್ಪಡಿಗಳ ಕಾಟ ಹಚ್ಚಿದೆ. ಹಂದಿಗಳ ಹಾವಳಿ ಹೆಚ್ಚಿದ್ದು, ಮಕ್ಕಳು ಮಧ್ಯಾಹ್ನ ನೆಮ್ಮದಿಯಿಂದ ಊಟ ಮಾಡಲು ಸಹ ಆಗುತ್ತಿಲ್ಲ ಎಂದು ಮಕ್ಕಳ ಪಾಲಕರು ಹೇಳುತ್ತಾರೆ.</p>.<p>ಹಂದಿಗಳನ್ನು ಓಡಿಸಲು ಪ್ರಯತ್ನಿಸಿದರೆ, ಅವೇ ಬೆನ್ನತ್ತಿಕೊಂಡು ಬರುತ್ತವೆ. ಗಿಡಗಂಟಿಗಳ ಹಿಂಭಾಗದಲ್ಲೇ ಕೆಲವರು ಶೌಚಕ್ಕೆ ಹೋಗುವುದರಿಂದ ದುರ್ನಾತ ಬೀರುತ್ತದೆ. ಅಲ್ಲಲ್ಲೇ ಮದ್ಯದ ಬಾಟ್ಲಿಗಳು ಚೆಲ್ಲಲ್ಪಟ್ಟಿರುತ್ತದೆ. ಇದೆಲ್ಲವನ್ನೂ ಶಿಕ್ಷಣ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನ ವಾಗಿಲ್ಲ’ ಎಂದು ಗ್ರಾಮಸ್ಥರು ದೂರುತ್ತಾರೆ.</p>.<p>ಶಾಲೆಯಲ್ಲಿನ ಸಮಸ್ಯೆ ಬಗೆಹರಿಸಿದರೆ ಮಕ್ಕಳ ಸಂಖ್ಯೆ ಹೆಚ್ಚಿಸಿ, ಇನ್ನೂ ಗುಣಾತ್ಮಕ ಶಿಕ್ಷಣ ನೀಡಲು ಸಾಧ್ಯವಾಗುತ್ತದೆ ಎಂದು ಮುಖ್ಯಶಿಕ್ಷಕ ಡಿ.ಚಂದ್ರಕಾಂತ ಹೇಳುತ್ತಾರೆ.</p>.<p>* * </p>.<p>ವರ್ಗ ಕೋಣೆ, ಅಗತ್ಯ ಸಿಬ್ಬಂದಿ, ಗುಣಾತ್ಮಕ ಬೋಧನೆಗೆ ಸಹಕಾರ ಎಲ್ಲವೂ ಇದೆ. ಆದರೆ ಆವರಣದಲ್ಲಿ ಕಾಂಪೌಂಡ್ ಇರದ ಬೇರೆ ಬೇರೆ ರೀತಿಯ ಸಮಸ್ಯೆ ಎದುರಾಗಿದೆ.<br /> <strong>ಡಿ.ಚಂದ್ರಕಾಂತ, </strong>ಮುಖ್ಯ ಶಿಕ್ಷಕ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಮನಾಬಾದ್: </strong>ಖಾಸಗಿ ಶಾಲೆಗಳ ಪೈಪೋಟಿ ನಡುವೆಯೂ ನಗರದ ವಾಂಜ್ರಿ ಬಡಾವಣೆಯ ಸರ್ಕಾರಿ ಪ್ರಾಥಮಿಕ ಶಾಲೆಯ ಶಿಕ್ಷಕರು ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಲು ಪ್ರಯತ್ನಿಸುತ್ತಿದ್ದಾರೆ. ಉತ್ತಮ ಪ್ರಜೆಗಳನ್ನಾಗಿಸಲು ಅವರು ಪಣ ತೊಟ್ಟಿದ್ದಾರೆ.<br /> 2005ರಲ್ಲಿ ಆರಂಭಗೊಂಡ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 2 ಹಳೆಯ ಮತ್ತು 9 ಹೊಸ ಕೋಣೆಗಳು ಸೇರಿ ಒಟ್ಟು 11ವರ್ಗ ಕೋಣೆಗಳಿವೆ. ವಿವಿಧ ವರ್ಗದ ಮಕ್ಕಳಿಗೆ ಶಿಕ್ಷಕರು ಉತ್ತಮ ರೀತಿಯಲ್ಲಿ ಪಾಠ ಮಾಡುತ್ತಾರೆ.</p>.<p>ಮಕ್ಕಳಿಗೆ ಕಬಡ್ಡಿ, ಲೇಜಿಮ್, ಡಂಬಲ್ಸ್ ಮೊದಲಾದ ಕ್ರೀಡೆಗಳ ತರಬೇತಿ ನೀಡಲಾಗುತ್ತದೆ. ಚಿಕ್ಕ ಗ್ರಂಥಾಲಯ, ಲೇಜಿಮ್, ಡಂಬಲ್ಸ್, 2 ಡೋಲ್ ಸೇರಿ ಒಂದಿಷ್ಟು ಕ್ರೀಡಾ ಸಾಮಗ್ರಿಗಳಿದ್ದು, ಮಕ್ಕಳಿಗೆ ಉಪಯುಕ್ತವಾಗಿವೆ.</p>.<p>2011ನೇ ಸಾಲಿನಲ್ಲಿ ಸರ್ಕಾರವು 5 ಕಂಪ್ಯೂಟರ್, ಎನ್.ಜಿ.ಪಿ.ಎಲ್ ಯೋಜನೆಯಡಿ 1 ಕಲರ್ ಟಿವಿ ಒದಗಿಸಿತ್ತು. ರೇಡಿಯೋ ಸಹ ಇದೆ. ಸರ್ಕಾರಿ ಕೆಲಸಕ್ಕಾಗಿ ಇಲ್ಲಿದ್ದ 5 ಕಂಪ್ಯೂಟರ್ಗಳನ್ನು ತಹಶೀಲ್ದಾರ್ ಕಚೇರಿಗೆ ಒಯ್ಯಲಾಗಿದೆ.</p>.<p>ಶಾಲೆಗೆ ಕಾಂಪೌಂಡ್ ಸೌಲಭ್ಯ ಕೂಡ ಸಮರ್ಪಕವಾಗಿಲ್ಲ. ಸಮತಟ್ಟಾದ ನೆಲವಿರದ ಮಕ್ಕಳಿಗೆ ಮೈದಾನ ಸೌಲಭ್ಯವೂ ಇಲ್ಲ. ಮಕ್ಕಳಿಗೆ ಆಟವಾಡಲು ಮತ್ತು ದೈಹಿಕ ಶಿಕ್ಷಣ ಶಿಕ್ಷಕರಿಂದ ಕ್ರೀಡಾ ತರಬೇತಿ ಪಡೆಯಲು ಕಷ್ಟವಾಗುತ್ತದೆ.<br /> ಶಾಲಾ ಆವರಣದಲ್ಲಿ ಎಲ್ಲಿ ಬೇಕೆಂದಲ್ಲಿ ಗಿಡಗಂಟಿಗಳು ಬೆಳೆದಿದ್ದು, ಹುಳುಹುಪ್ಪಡಿಗಳ ಕಾಟ ಹಚ್ಚಿದೆ. ಹಂದಿಗಳ ಹಾವಳಿ ಹೆಚ್ಚಿದ್ದು, ಮಕ್ಕಳು ಮಧ್ಯಾಹ್ನ ನೆಮ್ಮದಿಯಿಂದ ಊಟ ಮಾಡಲು ಸಹ ಆಗುತ್ತಿಲ್ಲ ಎಂದು ಮಕ್ಕಳ ಪಾಲಕರು ಹೇಳುತ್ತಾರೆ.</p>.<p>ಹಂದಿಗಳನ್ನು ಓಡಿಸಲು ಪ್ರಯತ್ನಿಸಿದರೆ, ಅವೇ ಬೆನ್ನತ್ತಿಕೊಂಡು ಬರುತ್ತವೆ. ಗಿಡಗಂಟಿಗಳ ಹಿಂಭಾಗದಲ್ಲೇ ಕೆಲವರು ಶೌಚಕ್ಕೆ ಹೋಗುವುದರಿಂದ ದುರ್ನಾತ ಬೀರುತ್ತದೆ. ಅಲ್ಲಲ್ಲೇ ಮದ್ಯದ ಬಾಟ್ಲಿಗಳು ಚೆಲ್ಲಲ್ಪಟ್ಟಿರುತ್ತದೆ. ಇದೆಲ್ಲವನ್ನೂ ಶಿಕ್ಷಣ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನ ವಾಗಿಲ್ಲ’ ಎಂದು ಗ್ರಾಮಸ್ಥರು ದೂರುತ್ತಾರೆ.</p>.<p>ಶಾಲೆಯಲ್ಲಿನ ಸಮಸ್ಯೆ ಬಗೆಹರಿಸಿದರೆ ಮಕ್ಕಳ ಸಂಖ್ಯೆ ಹೆಚ್ಚಿಸಿ, ಇನ್ನೂ ಗುಣಾತ್ಮಕ ಶಿಕ್ಷಣ ನೀಡಲು ಸಾಧ್ಯವಾಗುತ್ತದೆ ಎಂದು ಮುಖ್ಯಶಿಕ್ಷಕ ಡಿ.ಚಂದ್ರಕಾಂತ ಹೇಳುತ್ತಾರೆ.</p>.<p>* * </p>.<p>ವರ್ಗ ಕೋಣೆ, ಅಗತ್ಯ ಸಿಬ್ಬಂದಿ, ಗುಣಾತ್ಮಕ ಬೋಧನೆಗೆ ಸಹಕಾರ ಎಲ್ಲವೂ ಇದೆ. ಆದರೆ ಆವರಣದಲ್ಲಿ ಕಾಂಪೌಂಡ್ ಇರದ ಬೇರೆ ಬೇರೆ ರೀತಿಯ ಸಮಸ್ಯೆ ಎದುರಾಗಿದೆ.<br /> <strong>ಡಿ.ಚಂದ್ರಕಾಂತ, </strong>ಮುಖ್ಯ ಶಿಕ್ಷಕ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
