ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಶೂನ್ಯಮಾಸ: ಮಾರುಕಟ್ಟೆ ಧಾರಣೆ ಇಳಿಮುಖ

ಈರುಳ್ಳಿ ದರ ಕುಸಿತ, ಗ್ರಾಹಕರು ಕೊಂಚ ನಿರಾಳ, ಮಾಂಸ ಮಾರುಕಟ್ಟೆಯಲ್ಲಿ ದರ ಏರಿಳಿತ
Last Updated 17 ಡಿಸೆಂಬರ್ 2019, 10:20 IST
ಅಕ್ಷರ ಗಾತ್ರ

ಚಾಮರಾಜನಗರ: ಧನುರ್ಮಾಸ ಆರಂಭವಾಗುತ್ತಿದ್ದಂತೆಯೇ ತರಕಾರಿ, ಹೂವು, ಹಣ್ಣುಗಳಿಗೆ ಬೇಡಿಕೆ ಕಡಿಮೆಯಾಗಿದೆ.

ಶೂನ್ಯಮಾಸ ಆರಂಭವಾಗಿರುವುದರಿಂದ ಗೃಹಪ್ರವೇಶ, ಮದುವೆ ನಾಮಕರಣದಂತಹ ಶುಭ ಸಮಾರಂಭಗಳು ನಡೆಯುವುದಿಲ್ಲ. ಹಾಗಾಗಿ ಯಾವುದಕ್ಕೂ ಹೆಚ್ಚು ಬೇಡಿಕೆಗಳಿಲ್ಲ. ಇದರಿಂದಾಗಿ ಧಾರಣೆ ಇಳಿಮುಖವಾಗಿದೆ.

ತರಕಾರಿಗಳ ಪೈಕಿ ಹಾಪ್‌ಕಾಮ್ಸ್‌ನಲ್ಲಿ ಬೀಟ್‌ರೂಟ್‌, ಚಪ್ಪರದ ಬದನೆಕಾಯಿ, ತೊಗರಿಕಾಯಿ ₹ 5 ಹೆಚ್ಚಳವಾಗಿದೆ. ಉಳಿದ ಎಲ್ಲ ತರಕಾರಿಗಳ ಬೆಲೆ ಇಳಿಕೆ ಕಂಡಿದೆ.

ಟೊಮೆಟೊ₹ 15, ಮರಗೆಣಸು, ಹಸಿ ಬಟಾಣಿ,ಹಸಿಮೆಣಸಿನಕಾಯಿ ₹ 10. ನಿಂಬೆ ಹಣ್ಣು₹ 1. ದಪ್ಪ ಮೆಣಸಿನಕಾಯಿ₹ 20 ಕಡಿಮೆಯಾಗಿದೆ.

‘ಶೂನ್ಯಮಾಸದಲ್ಲಿ ತರಕಾರಿಗಳ ಬೆಲೆ ಇಳಿಕೆ ಸಾಮಾನ್ಯ ಸಂಗತಿ. ಪ್ರತಿ ವರ್ಷ ಇದೇ ರೀತಿ ಇರುತ್ತದೆ' ಎಂದು ತರಕಾರಿವ್ಯಾಪಾರಿ ಚೆನ್ನಪ್ಪ‘ಪ್ರಜಾವಾಣಿ’ಗೆ ತಿಳಿಸಿದರು.

ಹಣ್ಣುಗಳ ಪೈಕಿ ಕಿತ್ತಳೆ, ದ್ರಾಕ್ಷಿ ₹ 20, ಪಚ್ಚೆಬಾಳೆ₹ 5 ಹೆಚ್ಚಳವಾಗಿದೆ. ಅನಾನಸು₹ 10‌, ಮೂಸಂಬಿ₹ 20 ಕಡಿಮೆಯಾಗಿದೆ.

ಹೂವುಗಳ ಬೆಲೆ ಗಣನೀಯ ಇಳಿಕೆ: ಮಾರುಕಟ್ಟೆಯಲ್ಲಿಕಳೆದವಾರದವರೆಗೂ ತುಟ್ಟಿಯಾಗಿದ್ದಹೂವುಗಳಬೆಲೆ ಈ ವಾರ ಗಣನೀಯವಾಗಿ ಕುಸಿದಿದೆ.

ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ ಕಳೆದ ವಾರ ಕೆಜಿಗೆ ₹ 1,000ದಷ್ಟಿದ್ದ ಕನಕಾಂಬರ, ಈ ವಾರ ₹ 400–₹ 500 ಇದೆ.

ಚೆಂಡು ಹೂ₹ 20, ಸುಗಂಧ ರಾಜ₹ 60, ಹಾರಗಳು₹ 50, ಮಲ್ಲಿಗೆ₹ 80, ಗುಲಾಬಿ (100ಕ್ಕೆ)₹ 200, ಕಾಕಡ₹ 150ರಷ್ಟು ಬೆಲೆ ಇಳಿಕೆಯಾಗಿದೆ.

‘ಕಳೆದ ವಾರದವರೆಗೂ ದೇವಾಲಯಗಳಲ್ಲಿ ವಿಶೇಷ ಪೂಜೆಗಳಿದ್ದವು. ಶುಭ ಸಮಾರಂಭಗಳು ನಡೆಯುತ್ತಿದ್ದವು. ಹಾಗಾಗಿ, ಹೂವುಗಳಿಗೆ ಬೇಡಿಕೆ ಇತ್ತು. ಈ ವಾರದಿಂದಲೇ ಧನುರ್ಮಾಸ ಆರಂಭವಾದುದರಿಂದ ಬೇಡಿಕೆ ಕುಸಿದಿದೆ. ಮುಂದೆಯೂ ಇದೇ ಪರಿಸ್ಥಿತಿ ಮುಂದುವರಿಯಲಿದೆ’ ಎಂದು ಬಿಡಿ ಹೂವುಗಳ ವ್ಯಾಪಾರಿ ರವಿ ಹೇಳಿದರು.

ಪ್ರತಿ ಮೂರು ದಿನಗಳಿಗೊಮ್ಮೆ ಧಾರಣೆ ವ್ಯತ್ಯಾಸ ಕಂಡುಬರುವ ಮೊಟ್ಟೆಗೆ ಈ ವಾರ ₹ 9 ಹೆಚ್ಚಳವಾಗಿದೆ. ಕಳೆದ ವಾರ 100 ಮೊಟ್ಟೆಗೆ₹ 455 ಇತ್ತು. ಈ ವಾರ ₹ 464 ಬೆಲೆ ಇದೆ.

ಮಾಂಸ ಮಾರುಕಟ್ಟೆಯಲ್ಲಿ ಚಿಕನ್‌ ಬೆಲೆ ಏರಿಳಿತ ಕಂಡು ಬರುತ್ತಿದೆ. ಕಳೆದ ವಾರ₹ 120ರಿಂದ₹ 160 ಇದ್ದ ಚಿಕನ್‌ ಬೆಲೆ ಈ ವಾರ₹ 92ರಿಂದ₹ 160ರ ವರೆಗೆ ಇದೆ. ಉಳಿದಂತೆ ಮಾಂಸ ಮಾರುಕಟ್ಟೆಯಲ್ಲಿ ಯಾವುದೇ ವ್ಯತ್ಯಾಸ ಕಂಡು ಬಂದಿಲ್ಲ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT