ಚಾಮರಾಜನಗರ | ಗಗನಕ್ಕೇರಿದ ಟೊಮೆಟೊ: ಬೆಲೆ ಏರಿಕೆ ಬಿಸಿ

ಚಾಮರಾಜನಗರ : ಮಾರುಕಟ್ಟೆಯಲ್ಲಿ ಟೊಮೆಟೊ ದರ ಗಗನಕ್ಕೇರಿದ್ದು ಗ್ರಾಹಕರಿಗೆ ಬೆಲೆ ಏರಿಕೆ ಬಿಸಿ ತಟ್ಟಿದೆ. ಕಳೆದ ವಾರ ಕೆ.ಜಿಗೆ 60ಕ್ಕೆ ಸಿಗುತ್ತಿದ್ದ ಟೊಮೆಟೊ ಪ್ರಸ್ತುತ ₹ 80 ರಿಂದ 100ಕ್ಕೆ ಹೆಚ್ಚಾಗಿದೆ. ತರಕಾರಿ ಮಳಿಗೆಗಳಲ್ಲಿ ಟೊಮೆಟೊ ದರ ಕೇಳಿ ಸಾರ್ವಜನಿಕರು ಹೌಹಾರುತ್ತಿದ್ದಾರೆ.

. ಕುಸಿದ ಖರೀದಿ ಪ್ರಮಾಣ: ಸಸ್ಯಾಹಾರ ಹಾಗೂ ಮಾಂಸಾಹಾರ ಖಾದ್ಯಗಳ ತಯಾರಿಯಲ್ಲಿ ಟೊಮೆಟೊ ಪ್ರಮುಖವಾಗಿ ಬಳಕೆ ಮಾಡುವುದರಿಂದ ಹೋಟೆಲ್ ಉದ್ಯಮಕ್ಕೂ ದರ ಏರಿಕೆ ಬಿಸಿ ತಟ್ಟಿದೆ. ಗೃಹಿಣಿಯರು ಕೂಡ ಖರೀದಿಸಲೇಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ. ದರ ಹೆಚ್ಚಾಗಿರುವುದರಿಂದ ಖರೀದಿ ಪ್ರಮಾಣದಲ್ಲಿ ಇಳಿಕೆಯಾಗಿದೆ.

. ಸಾಮಾನ್ಯವಾಗಿ ದರ ಕಡಿಮೆ ಇದ್ದಾಗ ಎರಡರಿಂದ ಮೂರು ಕೆ.ಜಿಯಷ್ಟು ಟೊಮೆಟೊ ಖರೀದಿಸುತ್ತಿದ್ದ ಗ್ರಾಹಕರು ಈಗ ಅರ್ಧ ಕೆ.ಜಿಯಿಂದ 1 ಕೆ.ಜಿ ಮಾತ್ರ ಕೊಳ್ಳುತ್ತಿದ್ದಾರೆ. ಮಾರುಕಟ್ಟೆಗೆ ಹೀಗೆ ಪೂರೈಕೆ ತಗ್ಗಿದರೆ ಟೊಮೆಟೊ ದರ ಶತಕದ ಗಡಿ ದಾಟಲಿದೆ ಎನ್ನುತ್ತಾರೆ ವ್ಯಾಪಾರಿಗಳು.

. ಜಿಲ್ಲೆಗೆ ನೆರೆಯ ತಮಿಳುನಾಡಿನಿಂದ ಬರುತ್ತಿದ್ದ ಟೊಮೆಟೊ ಪೂರೈಕೆ ಕಡಿಮೆಯಾಗಿರುವುದು ಹಾಗೂ ಜಿಲ್ಲೆಯಲ್ಲಿ ಕಡಿಮೆ ಪ್ರಮಾಣದಲ್ಲಿ ಟೊಮೆಟೊ ಬೆಳೆದಿರುವುದು ದರ ಹೆಚ್ಚಳಕ್ಕೆ ಕಾರಣವಾಗಿದೆ ಎನ್ನುತ್ತಾರೆ ತರಕಾರಿ ಮಾರಾಟಗಾರ ಮಧುಸೂದನ್.

. ಅಗ್ಗವಾಗಿದ್ದ ಈರುಳ್ಳಿ ದರವೂ ಏರುಗತಿಯಲ್ಲಿ ಸಾಗುತ್ತಿದೆ. 20 ದಿನಗಳ ಹಿಂದಷ್ಟೆ ₹ 100ಕ್ಕೆ 5 ರಿಂದ 6 ಕೆ.ಜಿ ದೊರೆಯುತ್ತಿದ್ದ ಈರುಳ್ಳಿ ಪ್ರಸ್ತುತ ಕೆಜಿಗೆ ₹ 40 ರಿಂದ 45ಕ್ಕೆ ಏರಿಕೆಯಾಗಿದೆ. ಬೀನ್ಸ್ ದರವೂ ದುಬಾರಿಯಾಗಿದ್ದು ಕೆ.ಜಿಗೆ 60ಕ್ಕೆ ಮಾರಾಟವಾಗುತ್ತಿದೆ. ಕಳೆದ ವಾರಕ್ಕೆ ಹೋಲಿಸಿದರೆ ಕ್ಯಾರೆಟ್ ದರವೂ ಹೆಚ್ಚಾಗಿದ್ದು ₹ 20 ರಿಂದ ಏಕಾಏಕಿ 40ಕ್ಕೆ ಜಿಗಿದಿದೆ.

. ನುಗ್ಗೆಕಾಯಿ ದರ ಅಲ್ಪ ಇಳಿಕೆ: ಕೆ.ಜಿಗೆ ₹ 500 ದಾಟಿದ್ದ ನುಗ್ಗೆಕಾಯಿ ಪ್ರಸ್ತುತ ₹ 300ಕ್ಕೆ ಇಳಿಕೆಯಾಗಿದೆ. ದರ ಇಳಿಕೆಯಾದರೂ ಗ್ರಾಹಕರು ಖರೀದಿಗೆ ಆಸಕ್ತಿ ತೋರುತ್ತಿಲ್ಲ, ಕೆಲವರು ಎರಡರಿಂದ ಮೂರು ಕಾಯಿಗಳನಷ್ಟೆ ಖರೀದಿ ಮಾಡುತ್ತಿದ್ದಾರಷ್ಟೆ ಎನ್ನುತ್ತಾರೆ ವ್ಯಾಪಾರಿ ಮಹೇಶ್.

. ಮೊಟ್ಟೆಯೂ ದುಬಾರಿ: ಕ್ರಿಸ್ಮಸ್ ಹಾಗೂ ಹೊಸ ವರ್ಷಾಚರಣೆ ಹಿನ್ನೆಲೆಯಲ್ಲಿ ಮಾಂಸ ಹಾಗೂ ಕೋಳಿ ಮಟ್ಟೆಗೆ ವಿಪರೀತ ಬೇಡಿಕೆ ಸೃಷ್ಟಿಯಾಗಿದ್ದು ಅಂಗಡಿಗಳಲ್ಲಿ ಚಿಲ್ಲರೆ ಖರೀದಿಸಿದರೆ ಒಂದು ಮೊಟ್ಟೆಗೆ 8 ದರ ಇದೆ. ಸಗಟಾಗಿ ಖರೀದಿಸಿದರೆ 7.50ಕ್ಕೆ ದೊರೆಯುತ್ತಿದೆ. ಚಿಕನ್ ದರವೂ ಹೆಚ್ಚಾಗಿದ್ದು ಕೆ.ಜಿಗೆ 220 (ವಿತ್ ಸ್ಕಿನ್), 240 (ಚರ್ಮ ರಹಿತ) ಇದೆ. ಕುರಿ, ಮೇಕೆ ಮಾಂಸದ ದರವೂ ಏರಿಕೆಯಾಗಿದ್ದು ಕೆ.ಜಿಗೆ 700 ರಿಂದ 800 ಇದೆ.

. ಬಾಳೆಹಣ್ಣು ದರ ಅಲ್ಪ ಹೆಚ್ಚಾಗಿದ್ದು ಕೆ.ಜಿಗೆ 60 ರಿಂದ 70 ಇದೆ. ಕಳೆದವಾರ 50ಕ್ಕೆ ಕುಸಿತವಾಗಿತ್ತು. ಪಚ್ಚಬಾಳೆ 40, ಸಪೋಟ 60 ರಿಂದ 80, ಪಪ್ಪಾಯ 20 ದರ ಇದೆ.

. ತರಕಾರಿ ದರ (ಕೆ.ಜಿ.ಗೆ ₹ ಗಳಲ್ಲಿ)

ಈರುಳ್ಳಿ;35;45 ಟೊಮೆಟೊ;80–100 ಕ್ಯಾರೆಟ್;40 ಬೀನ್ಸ್;60 ಹಿರೇಕಾಯಿ;40 ಬದನೆಕಾಯಿ;20–30 ಆಲೂಗಡ್ಡೆ;40 ತೊಗರಿಕಾಯಿ;60 ಹೂಕೋಸು;20-30 ಎಲೆಕೋಸು;15–20 ಅವರೆಕಾಯಿ;50–60 ಶುಂಠಿ;70 ಬೆಳ್ಳುಳ್ಳಿ;100 ಮೂಲಂಗಿ;30 ಕ್ಯಾಪ್ಸಿಕಂ;50 ಬೀಟ್ರೂಟ್;40 ತೊಂಡೆಕಾಯಿ;40–50 ಚವಳಿಕಾಯಿ;40 ಗೆಡ್ಡೆಕೋಸು;40–50 ಅಲಸಂದೆ;50 ಕುಂಬಳ;20–25 ಬಜ್ಜಿ ಮೆಣಸಿನಕಾಯಿ;60 ತೆಂಗಿನಕಾಯಿ;50 ನುಗ್ಗೆ;300 ಹಾಗಲಕಾಯಿ;40–50 ಈರೇಕಾಯಿ;40

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಾಮರಾಜನಗರ | ಗಗನಕ್ಕೇರಿದ ಟೊಮೆಟೊ: ಬೆಲೆ ಏರಿಕೆ ಬಿಸಿ

ಚಿನಕುರುಳಿ: ಸೋಮವಾರ, 29 ಡಿಸೆಂಬರ್ 2025

'ಲಕ್ಕಿ ಭಾಸ್ಕರ್' ಸಿನಿಮಾ ಶೈಲಿಯಲ್ಲಿ ಹಣ ದೋಚಿ ಪರಾರಿಯಾದ ಬ್ಯಾಂಕ್ ಮ್ಯಾನೇಜರ್

ಗಂಡು ಅಥವಾ ಹೆಣ್ಣು ಮಗುವೇ ಬೇಕೆಂದರೆ ಆಯುರ್ವೇದದಲ್ಲಿದೆ ಔಷಧ: ಬಾರ್ಕೂರು ಸ್ವಾಮೀಜಿ

ಪ್ರಜಾಪ್ರಭುತ್ವಕ್ಕೆ ಮೋಸ: ಢಾಕಾದಲ್ಲಿ ಐಎಸ್‌ಐ ಹೊಸ ದ್ರೋಹದ ಆಟ‌

15 ಬೌಂಡರಿ, 8 ಸಿಕ್ಸರ್: ಸ್ಫೋಟಕ ಶತಕ ಸಿಡಿಸಿದ ಧ್ರುವ್ ಜುರೆಲ್

ತೆಂಬಾ ನಾಯಕ, ಕನ್ನಡಿಗ ಆರಂಭಿಕ: ಆಸೀಸ್ ಪ್ರಕಟಿಸಿದ 2025ರ ಅತ್ಯುತ್ತಮ ಟೆಸ್ಟ್ 11

ಕ್ರಿಕೆಟ್, ಫುಟ್ಬಾಲ್ ಸೇರಿ 2026ರ ಪ್ರಮುಖ ಕ್ರೀಡಾಕೂಟಗಳ ವೇಳಾಪಟ್ಟಿ

ಶ್ರೀಲಂಕಾ ವಿರುದ್ಧ ಟಿ20 ಸರಣಿಯ ಅಂತಿಮ ಪಂದ್ಯ ಇಂದು: ‘ವೈಟ್‌ವಾಷ್‌’ಗೆ ಭಾರತ ಕಾತರ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಚಿನಕುರುಳಿ: ಸೋಮವಾರ, 29 ಡಿಸೆಂಬರ್ 2025

'ಲಕ್ಕಿ ಭಾಸ್ಕರ್' ಸಿನಿಮಾ ಶೈಲಿಯಲ್ಲಿ ಹಣ ದೋಚಿ ಪರಾರಿಯಾದ ಬ್ಯಾಂಕ್ ಮ್ಯಾನೇಜರ್

ಗಂಡು ಅಥವಾ ಹೆಣ್ಣು ಮಗುವೇ ಬೇಕೆಂದರೆ ಆಯುರ್ವೇದದಲ್ಲಿದೆ ಔಷಧ: ಬಾರ್ಕೂರು ಸ್ವಾಮೀಜಿ

ಪ್ರಜಾಪ್ರಭುತ್ವಕ್ಕೆ ಮೋಸ: ಢಾಕಾದಲ್ಲಿ ಐಎಸ್‌ಐ ಹೊಸ ದ್ರೋಹದ ಆಟ‌