ಚಿಂತಾಮಣಿ: ಸೀಕಲ್‌ ಗ್ರಾಮದ ರೈತ ಆತ್ಮಹತ್ಯೆ

ಮುನಿರಾಜು (40) ಆತ್ಮಹತ್ಯೆ ಮಾಡಿಕೊಂಡ ರೈತ. ಅವರಿಗೆ ಪತ್ನಿ ಮತ್ತು ಇಬ್ಬರು ಪುತ್ರಿಯರು ಇದ್ದಾರೆ. ಕೃಷಿಯಿಂದ ಜೀವನ ನಡೆಸುತ್ತಿದ್ದರು. ಬೆಳೆ ಕೈಕೊಟ್ಟಿದ್ದರಿಂದ ಕಂಗಾಲಾಗಿದ್ದರು. ಎರಡು ಕೊಳವೆಬಾವಿ ಕೊರೆಯಿಸಿ 5 ಎಕರೆ ಪ್ರದೇಶದಲ್ಲಿ ಟೊಮೆಟೊ ಮತ್ತಿತರ ಬೆಳೆ ಬೆಳೆದಿದ್ದರು. ಬೆಲೆ ಕುಸಿತದಿಂದ ಸಾಲದ ಸುಳಿಗೆ ಸಿಲುಕಿದ್ದರು ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ.

ಇತ್ತೀಚೆಗೆ ಹೈನುಗಾರಿಕೆ ಉಪಕಸುಬನ್ನಾಗಿ ಕೈಗೊಳ್ಳಲು ಸಾಲ ಮಾಡಿ ಎರಡು ಸೀಮೆ ಹಸು ಖರೀದಿ ಮಾಡಿದ್ದರು. ಸಾಲ, ಬಡ್ಡಿ ಸೇರಿ ಸುಮಾರು ₹ 20 ಲಕ್ಷ ಸಾಲವಿತ್ತು ಎನ್ನಲಾಗಿದೆ.

ಈ ಬಗ್ಗೆ ಮೃತರ ಪತ್ನಿ ಜಯಲಕ್ಷ್ಮಮ್ಮ ಗ್ರಾಮಾಂತರ ಠಾಣೆಗೆ ದೂರು ನೀಡಿದ್ದಾರೆ.