ಬೆಂಗಳೂರು: ಕಮ್ಮನಹಳ್ಳಿಯ ‘ಅನ್‌ಲಿಮಿಟೆಡ್‌ ಫ್ಯಾಷನ್ಸ್‌’ ಮಳಿಗೆಯಲ್ಲಿ ಭಾನುವಾರ ಲಿಫ್ಟ್‌ ಕುಸಿದು ಎಂಟು ಮಂದಿ ಗಾಯಗೊಂಡಿದ್ದಾರೆ.
‘ಸಂಜೆ 5.30ಕ್ಕೆ ಮಳಿಗೆಯ ಎರಡನೆ ಮಹಡಿಯಲ್ಲಿದ್ದ ಗ್ರಾಹಕರು ಕೆಳಗಿರುವ ಮಹಡಿಗಳಿಗೆ ಬರಲು ಲಿಫ್ಟ್‌ ಹತ್ತಿದಾಗ ಈ ದುರ್ಘಟನೆ ನಡೆದಿದೆ. ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ‘ ಎಂದು ಪೊಲೀಸರು ತಿಳಿಸಿದ್ದಾರೆ.
‘ಸಾಮರ್ಥ್ಯಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರು ತುಂಬಿದ್ದರಿಂದ ಲಿಫ್ಟ್‌ ಕುಸಿದು ನೆಲಮಹಡಿಗೆ ಅಪ್ಪಳಿಸಿದೆ. ಈ ಸಂದರ್ಭ ದೊಡ್ಡ ಶಬ್ದ ಕೇಳಿಸಿದ್ದು, ಅಕ್ಕಪಕ್ಕದ ಮಳಿಗೆಯವರು ಓಡಿ ಬಂದು ತೊಂದರೆಯಲ್ಲಿದ್ದವರನ್ನು ರಕ್ಷಿಸಿದ್ದಾರೆ’ ಎಂದು ಅವರು ಹೇಳಿದ್ದಾರೆ.
