ಮಂಗಳೂರು: ನಗರದ ಫಾದರ್ ಮುಲ್ಲರ್ ಮೆಡಿಕಲ್‌ ಕಾಲೇಜು ಆಸ್ಪತ್ರೆಯಲ್ಲಿ ಸ್ಥಾಪಿಸಿರುವ ಫಾದರ್ ಮುಲ್ಲರ್ ರೋಟರಿ ಸ್ಕಿನ್ (ಚರ್ಮ) ಬ್ಯಾಂಕ್ ಅನ್ನು ಶುಕ್ರವಾರ ಉದ್ಘಾಟಿಸಲಾಯಿತು.
ರೋಟರಿ ಡಿಸ್ಟ್ರಿಕ್ಟ್ ಗವರ್ನರ್ ಎಚ್‌.ಆರ್. ಕೇಶವ್ ಮತ್ತು ಫಾದರ್ ಮುಲ್ಲರ್ ಚಾರಿಟಬಲ್ ಇನ್‌ಸ್ಟಿಟ್ಯೂಷನ್ಸ್‌ ನಿರ್ದೇಶಕ ಫಾದರ್ ರಿಚರ್ಡ್ ಅಲೋಶಿಯಸ್ ಕೊಯೆಲ್ಲೊ ಉದ್ಘಾಟಿಸಿದರು.
ಎಚ್‌.ಆರ್. ಕೇಶವ್ ಮಾತನಾಡಿ, ಯಾವುದೇ ಯೋಜನೆಯ ಅನುಷ್ಠಾನದಲ್ಲಿ ದೂರದರ್ಶಿತ್ವ ಇರಬೇಕು. ಸಂಸ್ಥೆಗಳಿಂದ ಅನುಷ್ಠಾನಗೊಳ್ಳುವ ಯೋಜನೆಗಳಿಂದ ಸಮಾಜಕ್ಕೆ ಒಳಿತಾಗಬೇಕು ಎಂದರು.
ಎಫ್‌ಎಂಸಿಐ ಆಡಳಿತಾಧಿಕಾರಿ ಫಾ. ಜಾರ್ಜ್ ಜೀವನ್ ಸಿಕ್ವೇರಾ, ನಿರ್ದೇಶಕ ಅಜಿತ್ ಮಿನೇಜಸ್ ಪ್ರಾರ್ಥನೆ ಮೂಲಕ ಆಶೀರ್ವಾದ ನೀಡಿದರು. ಯೋಜನೆಯ ಅಧ್ಯಕ್ಷ ಆರ್ಚಿಬಾಲ್ಡ್ ಮಿನೇಜಸ್ ಯೋಜನೆಯ ಕುರಿತು ಮಾಹಿತಿ ನೀಡಿದರು. ಎಫ್‌ಎಂಸಿಐ ವತಿಯಿಂದ ರೋಟರಿ ಪ್ರಮುಖರನ್ನು ಅಭಿನಂದಿಸಲಾಯಿತು.
ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ. ಉದಯ್ ಕುಮಾರ್, ಡೀನ್ ಆಂಟೋನಿ ಸಿಲ್ವನ್ ಡಿಸೋಜ, ರೋಟರಿ ಕ್ಲಬ್‌ನ ಕಿಶೋರ್ ಕುಮಾರ್, ಆರ್.ಕೆ.ಭಟ್, ಡಾ. ರೋಚೆಲ್ ಮೊಂತೆರೊ ಇದ್ದರು.
