ಮೂಡುಬಿದಿರೆ: ತಾಲ್ಲೂಕಿನಲ್ಲಿ ಮೂರು ಮಾದರಿ ಮತಗಟ್ಟೆಗಳನ್ನು ಆಯ್ಕೆ ಮಾಡಲಾಗಿದ್ದು, ಮಹಿಳೆಯರಿಗೆ ಪ್ರಾಶಸ್ತ್ಯ ನೀಡಲು ಸಖೀ ಮತಗಟ್ಟೆಗೆ ಶಿರ್ತಾಡಿ ಗ್ರಾಮದ ಹೋಲಿ ಏಂಜಲ್ ಶಾಲೆ, ಬೆಳುವಾಯಿ ಚರ್ಚ್ ಶಾಲೆ ಆಯ್ಕೆಯಾಗಿದೆ. ತೆಂಕಮಿಜಾರು ನೀರ್ಕೆರೆ ಶಾಲೆಯು ಧ್ಯೇಯ ಆಧಾರಿತ ಮತಗಟ್ಟೆಯಾಗಿ ಆಯ್ಕೆಯಾಗಿದೆ. ಶಿರ್ತಾಡಿ ಮತಗಟ್ಟೆಯಲ್ಲಿ ಸೆಲ್ಫಿ ಪಾಯಿಂಟ್ ಅಳವಡಿಸಲಾಗಿದೆ.
ಎಲ್ಲ ಮತಗಟ್ಟೆಗಳಲ್ಲೂ ಕುಡಿಯುವ ನೀರು, ವಿದ್ಯುತ್, ಶೌಚಾಲಯ, ರ್ಯಾಂಪ್, ಗಾಲಿ ಕುರ್ಚಿ, ಶಾಮಿಯಾನದ ವ್ಯವಸ್ಥೆ ಮಾಡಲಾಗಿದೆ.