<p><strong>ಮಂಗಳೂರು:</strong> ಇಲ್ಲಿನ ಮಹಿಳೆಯೊಬ್ಬರಿಗೆ, ಅಪರಿಚಿತ ವ್ಯಕ್ತಿಗಳು ಕರೆ ಮಾಡಿ, ‘ಕಳುಹಿಸಿದ ಪಾರ್ಸೆಲ್ ಹಿಂದಕ್ಕೆ ಬಂದಿದ್ದು, ಅದರಲ್ಲಿ ಮಾದಕ ಪದಾರ್ಥ ಸಿಕ್ಕಿದೆ’ ಎಂದು ನಂಬಿಸಿ ಬೆದರಿಕೆ ಒಡ್ಡಿ, ₹ 3.10 ಕೋಟಿ ಹಣ ಪಡೆದು ವಂಚಿಸಿದ ಬಗ್ಗೆ ಇಲ್ಲಿನ ಸೆನ್ ಅಪರಾಧ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p>ನಿವೃತ್ತ ಉದ್ಯೋಗಿ ಲೆನಿ ಪ್ರಭು ವಂಚನೆಗೆ ಒಳಗಾದ ಮಹಿಳೆ.</p>.<p>‘ನನ್ನ ಮೊಬೈಲ್ಗೆ 2025ರ ಜ.15ರಂದು ಅಪರಿಚಿತ ಸಂಖ್ಯೆಯಿಂದ ಮಿಸ್ ಕಾಲ್ ಬಂದಿತ್ತು. ಆ ನಂಬರ್ಗೆ ಮತ್ತೆ ಕರೆ ಮಾಡಿದ್ದೆ. ಆಗ ಮಾತನಾಡಿದ್ದ ಮಹಿಳೆ, ‘ನೀವು ಚೀನಾಕ್ಕೆ ಕಳುಹಿಸಿದ ಪಾರ್ಸೆಲ್ ವಾಪಾಸ್ ಬಂದಿದೆ. ಅದರಲ್ಲಿ 150 ಗ್ರಾಂ ಎಂಡಿಎಂಎ ಪತ್ತೆಯಾಗಿದೆ. ಈ ಪ್ರಕರಣಕ್ಕೆ 75 ವರ್ಷಕ್ಕಿಂತ ಹೆಚ್ಚು ಜೈಲು ಶಿಕ್ಷೆ ಇದೆ’ ಎಂದು ತಿಳಿಸಿದ್ದಳು. ‘ನಾನು ಯಾವುದೇ ಪಾರ್ಸಲ್ ಕಳುಹಿಸಿಲ್ಲ’ ಎಂದು ಹೇಳಿದ್ದೆ. ಜನರಲ್ ಪೋಸ್ಟ್ ಆಫೀಸ್ನಿಂದ ಮಾತನಾಡುತ್ತಿರುವುದಾಗಿ ತಿಳಿಸಿದ್ದ ಆ ಮಹಿಳೆ, ‘ಇಲ್ಲ... ಅದನ್ನು ನೀವೆ ಪಾರ್ಸೆಲ್ ಮಾಡಿದ್ದೀರಿ. ನಿಮ್ಮ ಗುರುತಿನ ಚೀಟಿಯನ್ನು ಬಳಸಿ ನಿಮ್ಮದೇ ಹೆಸರಿನಲ್ಲಿ ಪಾರ್ಸೆಲ್ ಕಳುಹಿಸಿಸಲಾಗಿದೆ’ ಎಂದು ತಿಳಿಸಿದ್ದರು’ ಎಂದು ಲೆನಿ ಪ್ರಭು ದೂರಿನಲ್ಲಿ ತಿಳಿಸಿದ್ದಾರೆ’ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p>.<p>‘ನಂತರ ಮತ್ತೆ ಕರೆ ಮಾಡಿದ್ದ ಆ ಮಹಿಳೆ, ‘ನಾವು ನಿಮಗೆ ಸಹಾಯ ಮಾಡುತ್ತೇವೆ’ ಎಂದು ನಂಬಿಸಿ ನನ್ನ ವೈಯಕ್ತಿಕ ವಿವರ ಪಡೆದುಕೊಂಡರು. ನಿಮಗೆ ನಿರಾಕ್ಷೇಪಣಾ ಪ್ರಮಾಣಪತ್ರ ಸಿಗಬೇಕಾದರೆ ಸಂಬಳದ ಶೇ 93ರಷ್ಟನ್ನು ಕಳುಹಿಸಬೇಕು ಎಂದರು. ಅವರ ಸೂಚನೆಯಂತೆ ನಾನು ಅವರು ಸೂಚಿಸಿದ ಖಾತೆಗೆ ಜ.17ರಂದು ₹ 55 ಲಕ್ಷ ಆರ್ಟಿಜಿಎಸ್ ಮಾಡಿದ್ದೆ.’</p>.<p>‘ಈ ವಿಷಯಯನ್ನು ಯಾರಿಗೂ ತಿಳಿಸಬಾರದು ಎಂದು ಭಯ ಹುಟ್ಟಿಸಿದ್ದರು. ಅವರು ನೀಡಿದ ಬೇರೆ ಬೇರೆ ಬ್ಯಾಂಕ್ ಖಾತೆಗಳಿಗೆ ಜ.17ರಿಂದ ಜುಲೈ 4ರವರೆಗೆ ಹಂತ ಹಂತವಾಗಿ ಒಟ್ಟು ₹ 3.10 ಕೋಟಿ ಹಣವನ್ನು ಆರ್ಟಿಜಿಎಸ್ ಮೂಲಕ ವರ್ಗಾಯಿಸಿದ್ದೇನೆ. ಬಳಿಕ ಅವರಿಂದ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ನಾನು ಮೋಸ ಹೋಗಿರುವುದು ಆ ಬಳಿಕವಷ್ಟೇ ಗೊತ್ತಾಯಿತು.’</p>.<p>‘ಅಪರಿಚಿತ ವ್ಯಕ್ತಿಗಳು ಡಿಜಿಟಲ್ ಅರೆಸ್ಟ್ ಹೆಸರಿನಲ್ಲಿ ಮೋಸದಿಂದ ಹಣ ವರ್ಗಾಯಿಸಿಕೊಂಡು ವಂಚಿಸಿದ್ದು, ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು’ ಎಂದು ಮಹಿಳೆ ಒತ್ತಾಯಿಸಿದ್ದಾರೆ’ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು:</strong> ಇಲ್ಲಿನ ಮಹಿಳೆಯೊಬ್ಬರಿಗೆ, ಅಪರಿಚಿತ ವ್ಯಕ್ತಿಗಳು ಕರೆ ಮಾಡಿ, ‘ಕಳುಹಿಸಿದ ಪಾರ್ಸೆಲ್ ಹಿಂದಕ್ಕೆ ಬಂದಿದ್ದು, ಅದರಲ್ಲಿ ಮಾದಕ ಪದಾರ್ಥ ಸಿಕ್ಕಿದೆ’ ಎಂದು ನಂಬಿಸಿ ಬೆದರಿಕೆ ಒಡ್ಡಿ, ₹ 3.10 ಕೋಟಿ ಹಣ ಪಡೆದು ವಂಚಿಸಿದ ಬಗ್ಗೆ ಇಲ್ಲಿನ ಸೆನ್ ಅಪರಾಧ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p>ನಿವೃತ್ತ ಉದ್ಯೋಗಿ ಲೆನಿ ಪ್ರಭು ವಂಚನೆಗೆ ಒಳಗಾದ ಮಹಿಳೆ.</p>.<p>‘ನನ್ನ ಮೊಬೈಲ್ಗೆ 2025ರ ಜ.15ರಂದು ಅಪರಿಚಿತ ಸಂಖ್ಯೆಯಿಂದ ಮಿಸ್ ಕಾಲ್ ಬಂದಿತ್ತು. ಆ ನಂಬರ್ಗೆ ಮತ್ತೆ ಕರೆ ಮಾಡಿದ್ದೆ. ಆಗ ಮಾತನಾಡಿದ್ದ ಮಹಿಳೆ, ‘ನೀವು ಚೀನಾಕ್ಕೆ ಕಳುಹಿಸಿದ ಪಾರ್ಸೆಲ್ ವಾಪಾಸ್ ಬಂದಿದೆ. ಅದರಲ್ಲಿ 150 ಗ್ರಾಂ ಎಂಡಿಎಂಎ ಪತ್ತೆಯಾಗಿದೆ. ಈ ಪ್ರಕರಣಕ್ಕೆ 75 ವರ್ಷಕ್ಕಿಂತ ಹೆಚ್ಚು ಜೈಲು ಶಿಕ್ಷೆ ಇದೆ’ ಎಂದು ತಿಳಿಸಿದ್ದಳು. ‘ನಾನು ಯಾವುದೇ ಪಾರ್ಸಲ್ ಕಳುಹಿಸಿಲ್ಲ’ ಎಂದು ಹೇಳಿದ್ದೆ. ಜನರಲ್ ಪೋಸ್ಟ್ ಆಫೀಸ್ನಿಂದ ಮಾತನಾಡುತ್ತಿರುವುದಾಗಿ ತಿಳಿಸಿದ್ದ ಆ ಮಹಿಳೆ, ‘ಇಲ್ಲ... ಅದನ್ನು ನೀವೆ ಪಾರ್ಸೆಲ್ ಮಾಡಿದ್ದೀರಿ. ನಿಮ್ಮ ಗುರುತಿನ ಚೀಟಿಯನ್ನು ಬಳಸಿ ನಿಮ್ಮದೇ ಹೆಸರಿನಲ್ಲಿ ಪಾರ್ಸೆಲ್ ಕಳುಹಿಸಿಸಲಾಗಿದೆ’ ಎಂದು ತಿಳಿಸಿದ್ದರು’ ಎಂದು ಲೆನಿ ಪ್ರಭು ದೂರಿನಲ್ಲಿ ತಿಳಿಸಿದ್ದಾರೆ’ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.</p>.<p>‘ನಂತರ ಮತ್ತೆ ಕರೆ ಮಾಡಿದ್ದ ಆ ಮಹಿಳೆ, ‘ನಾವು ನಿಮಗೆ ಸಹಾಯ ಮಾಡುತ್ತೇವೆ’ ಎಂದು ನಂಬಿಸಿ ನನ್ನ ವೈಯಕ್ತಿಕ ವಿವರ ಪಡೆದುಕೊಂಡರು. ನಿಮಗೆ ನಿರಾಕ್ಷೇಪಣಾ ಪ್ರಮಾಣಪತ್ರ ಸಿಗಬೇಕಾದರೆ ಸಂಬಳದ ಶೇ 93ರಷ್ಟನ್ನು ಕಳುಹಿಸಬೇಕು ಎಂದರು. ಅವರ ಸೂಚನೆಯಂತೆ ನಾನು ಅವರು ಸೂಚಿಸಿದ ಖಾತೆಗೆ ಜ.17ರಂದು ₹ 55 ಲಕ್ಷ ಆರ್ಟಿಜಿಎಸ್ ಮಾಡಿದ್ದೆ.’</p>.<p>‘ಈ ವಿಷಯಯನ್ನು ಯಾರಿಗೂ ತಿಳಿಸಬಾರದು ಎಂದು ಭಯ ಹುಟ್ಟಿಸಿದ್ದರು. ಅವರು ನೀಡಿದ ಬೇರೆ ಬೇರೆ ಬ್ಯಾಂಕ್ ಖಾತೆಗಳಿಗೆ ಜ.17ರಿಂದ ಜುಲೈ 4ರವರೆಗೆ ಹಂತ ಹಂತವಾಗಿ ಒಟ್ಟು ₹ 3.10 ಕೋಟಿ ಹಣವನ್ನು ಆರ್ಟಿಜಿಎಸ್ ಮೂಲಕ ವರ್ಗಾಯಿಸಿದ್ದೇನೆ. ಬಳಿಕ ಅವರಿಂದ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ನಾನು ಮೋಸ ಹೋಗಿರುವುದು ಆ ಬಳಿಕವಷ್ಟೇ ಗೊತ್ತಾಯಿತು.’</p>.<p>‘ಅಪರಿಚಿತ ವ್ಯಕ್ತಿಗಳು ಡಿಜಿಟಲ್ ಅರೆಸ್ಟ್ ಹೆಸರಿನಲ್ಲಿ ಮೋಸದಿಂದ ಹಣ ವರ್ಗಾಯಿಸಿಕೊಂಡು ವಂಚಿಸಿದ್ದು, ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು’ ಎಂದು ಮಹಿಳೆ ಒತ್ತಾಯಿಸಿದ್ದಾರೆ’ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
