ಬಿಇಡಿ ಪರೀಕ್ಷೆ ಮುಂದೂಡಿಕೆ

ಮಂಗಳೂರು: ಕೊಡಗು ಜಿಲ್ಲೆಯಲ್ಲಿ ಭಾರಿ ಮಳೆಯಿಂದಾಗಿ ಜಿಲ್ಲಾಡಳಿತ ರಜೆ ಘೋಷಿಸದ್ದು, ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಇದೇ 16ರಂದು ನಡೆಯಬೇಕಿದ್ದ ಬಿಇಡಿ ತೃತೀಯ ಸೆಮಿಸ್ಟರ್ ಹಾಗೂ ಹಳೇ ಪುನರಾವರ್ತಿತ ಸ್ಕೀಮ್‌ನ (2011-12) ಪರೀಕ್ಷೆಗಳನ್ನು ಮಂಗಳೂರು ವಿಶ್ವವಿದ್ಯಾಲಯ ಮುಂದೂಡಿದೆ.

ಇದೇ 28 ರಂದು ಬೆಳಿಗ್ಗೆ 10 ರಿಂದ ಮಧ್ಯಾಹ್ನ 1 ಗಂಟೆಯವರೆಗೆ ಬಿಇಡಿ ಮೂರನೇ ಸೆಮಿಸ್ಟರ್‌ನ ಇನ್‌ಕ್ಲುಸಿವ್‌ ಎಜುಕೇಶನ್‌ ಹಾಗೂ ಹಳೆಯ ಸ್ಕೀಮ್‌ನ (2011–12) ಟೀಚರ್ ಆಂಡ್‌ ಎಜುಕೇಶನ್‌ ಇನ್‌ ಇಂಡಿಯನ್‌ ಸೊಸೈಟಿ ಪರೀಕ್ಷೆ ನಡೆಯಲಿವೆ ಎಂದು ಮಂಗಳೂರು ವಿಶ್ವವಿದ್ಯಾಲಯದ ಪರೀಕ್ಷಾಂಗ ಕುಲಸಚಿವರು ತಿಳಿಸಿದ್ದಾರೆ.