ದಾವಣಗೆರೆ ತಾಲ್ಲೂಕಿನ 81 ಮಂದಿಗೆ ಕೊರೊನಾ ಬಂದಿದೆ. ಅದರಲ್ಲಿ ದೊಡ್ಡಬಾತಿ, ಲೋಕಿಕೆರೆ, ಕುರ್ಕಿ, ಹೂವಿನಮಡು, ಕಕ್ಕರಗೊಳ್ಳ, ಸಿಂಗ್ರಿಹಳ್ಳಿ ಮುಂತಾದ ಗ್ರಾಮೀಣ ಭಾಗದ 9 ಮಂದಿಯನ್ನು ಹೊರತುಪಡಿಸಿದರೆ ಉಳಿದ ಎಲ್ಲರೂ ಮಹಾನಗರ ಪಾಲಿಕೆ ವ್ಯಾಪ್ತಿಯವರಾಗಿದ್ದಾರೆ. ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ನಲ್ಲಿದ್ದ 10 ಮಂದಿಗೆ ಕೊರೊನಾ ಬಂದಿದೆ. ಪೊಲೀಸ್ ಕ್ವಾರ್ಟರ್ಸ್ನ ಇಬ್ಬರು, ಕೆಎಸ್ಆರ್ಟಿಸಿ ಡಿಪೊದ ಒಬ್ಬ ಸಿಬ್ಬಂದಿ, ಜೆಜೆಎಂ ಮೆಡಿಕಲ್ ಕಾಲೇಜಿನ ಪಿಜಿ ವಿದ್ಯಾರ್ಥಿಯೊಬ್ಬರಿಗೂ ಕೊರೊನಾ ಇರುವುದು ಪತ್ತೆಯಾಗಿದೆ.