ಮಂಗಳವಾರ, ಅಕ್ಟೋಬರ್ 27, 2020
21 °C

450 ಮಂದಿಗೆ ಕೊರೊನಾ; ನಾಲ್ಕು ಸಾವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದಾವಣಗೆರೆ: ಜಿಲ್ಲೆಯಲ್ಲಿ 450 ಮಂದಿಗೆ ಕೊರೊನಾ ವೈರಸ್ ದೃಢಪಟ್ಟಿದ್ದು, ನಾಲ್ವರು ಮೃತಪಟ್ಟಿದ್ದಾರೆ. 107 ಮಂದಿ ಗುಣಮುಖರಾಗಿದ್ದಾರೆ.

ಆರೋಗ್ಯ ಇಲಾಖೆ ನೌಕರರ ಮುಷ್ಕರ ಹಾಗೂ ತಾಂತ್ರಿಕ ದೋಷದಿಂದ ಒಂದು ವಾರದಿಂದ ಬಾಕಿ ಇದ್ದ ಪ್ರಕರಣಗಳು ಶುಕ್ರವಾರ ಸೇರ್ಪಡೆಯಾಗಿವೆ.

ಜಗಳೂರು ತಾಲ್ಲೂಕಿನ ಬಸವನಕೋಟೆಯ 56 ವರ್ಷದ ಮಹಿಳೆ ಅಕ್ಟೋಬರ್ 4 ಹಾಗೂ ಜಗಳೂರು ಪಟ್ಟಣದ 57 ವರ್ಷದ ಪುರುಷ ಅಕ್ಟೋಬರ್ 8ರಂದು ಮೃತಪಟ್ಟಿದ್ದಾರೆ. ಹರಿಹರ ತಾಲ್ಲೂಕಿನ ಸಾಲೆಕಟ್ಟೆ 60 ವರ್ಷದ ‍ಪುರುಷ ಹಾಗೂ ದಿಟೂರಿನ 55 ವರ್ಷದ ಪುರುಷ ಅಕ್ಟೋಬರ್ 8ರಂದು ಮೃತಪಟ್ಟಿದ್ದಾರೆ. ಈವರೆಗೆ ಜಿಲ್ಲೆಯಲ್ಲಿ 247 ಮಂದಿ ಮೃತಪಟ್ಟಿದ್ದಾರೆ.

ದಾವಣಗೆರೆ ನಗರ ಹಾಗೂ ತಾಲ್ಲೂಕಿನಲ್ಲಿ 178, ಹರಿಹರ ತಾಲ್ಲೂಕಿನ 72, ಜಗಳೂರು ತಾಲ್ಲೂಕಿನ 56, ಚನ್ನಗಿರಿ ತಾಲ್ಲೂಕಿನ 65, ಹೊನ್ನಾಳಿ ತಾಲ್ಲೂಕಿನ 76 ಹಾಗೂ ಹೊರ ಜಿಲ್ಲೆಯ ಮೂವರಿಗೆ ಕೋವಿಡ್–19 ದೃಢಪಟ್ಟಿದೆ.

ಬಿಡುಗಡೆಗೊಂಡವರಲ್ಲಿ ದಾವಣಗೆರೆ ನಗರ ಹಾಗೂ ತಾಲ್ಲೂಕಿನ 37, ಹರಿಹರ ತಾಲ್ಲೂಕಿನ 21, ಜಗಳೂರು ತಾಲ್ಲೂಕಿನ 11, ಚನ್ನಗಿರಿ ತಾಲ್ಲೂಕಿನ 18, ಹೊನ್ನಾಳಿ ತಾಲ್ಲೂಕಿನ 20 ಮಂದಿ ಇದ್ದಾರೆ.

ಜಿಲ್ಲೆಯಲ್ಲಿ ಈವರೆಗೆ 17,987 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, 15,583 ಮಂದಿ ಗುಣಮುಖರಾಗಿದ್ದಾರೆ. 2157 ಸಕ್ರಿಯ ಪ್ರಕರಣಗಳು ಇವೆ.

ನಾಲ್ಕು ಮಂದಿಗೆ ಪಾಸಿಟಿವ್

ಸಾಸ್ವೆಹಳ್ಳಿ ಹೋಬಳಿ ವ್ಯಾಪ್ತಿಯ ಬೆನಕನಹಳ್ಳಿ 2, ಹೊಸಹಳ್ಳಿ, ಬೀರಗೊಂಡನಹಳ್ಳಿಯಲ್ಲಿ ತಲಾ ಒಂದು ಸೇರಿ 4 ಕೊರೊನಾ ಪ್ರಕರಣ ಪತ್ತೆಯಾಗಿದೆ ಎಂದು ಉಪತಹಶಿಲ್ದಾರ್ ಎಸ್. ಪರಮೇಶ್ ತಿಳಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.