ಯೋಜನೆಯಡಿ ನೋಂದಣಿ ಮತ್ತು ನಿರ್ವಹಣೆಗೆ ನಿರ್ದಿಷ್ಟ ಮೊತ್ತವನ್ನು ಪಡೆದು ಎರಡು ವರ್ಷದವರೆಗೆ ರೈಲನ್ನು ನೀಡಲಾಗುತ್ತದೆ. ಖಾಸಗಿ ಬಸ್‌ಗಳು ಪ್ರವಾಸೋದ್ಯಮ ಪ್ಯಾಕೇಜ್ ನೀಡುವ ರೀತಿಯಲ್ಲೇ ರೈಲು ನೋಂದಣಿ ಮಾಡಿಕೊಳ್ಳುವವರು ಪ್ರವಾಸಿಗರಿಗೆ ಪ್ಯಾಕೇಜ್ ಮತ್ತು ಶುಲ್ಕ ವಿಧಿಸಲು ಅವಕಾಶ ಕಲ್ಪಿಸಲಾಗಿದೆ. ಇದರ ನಿರ್ವಹಣೆಯನ್ನು ಅವರೇ ಮಾಡಬೇಕಾಗುತ್ತದೆ. ಸದ್ಯಮುಜರಾಯಿ ಇಲಾಖೆ ನೋಂದಣಿ ಮಾಡಿಕೊಂಡಿದ್ದು, ಯಾವ ರೈಲು ಮತ್ತು ಎಲ್ಲಿಂದ ಎಲ್ಲಿಗೆ ಪ್ರಯಾಣಿಸಲಿದೆ ಎನ್ನುವುದು ಸೇರಿದಂತೆ ವಿವಿಧ ಹಂತದ ಒಪ್ಪಂದಗಳು ಇನ್ನಷ್ಟೇ ಅಂತಿವಾಗಬೇಕಿದೆ ಎಂದು ನೈರುತ್ಯ ರೈಲ್ವೆಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಅನೀಶ್‌ ಹೆಗಡೆ ತಿಳಿಸಿದ್ದಾರೆ.
