ನವಲಗುಂದ | ನೆರೆ; ಕೃಷಿಭೂಮಿಗೆ ಹಾನಿ

ನವಲಗುಂದ : ಸ್ಥಳೀಯ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ಬೆಣ್ಣಿಹಳ್ಳ ಹಾಗೂ ತುಪ್ಪರಿಹಳ್ಳಗಳ ಸಮಸ್ಯೆ ಒಂದೆಡೆಯಾದರೆ ಕಿರು ಹಳ್ಳಗಳ ಪ್ರವಾಹದ ಸಮಸ್ಯೆಯಿಂದಾಗಿ ರೈತರ ಫಲವತ್ತಾದ ಭೂಮಿ ಹಾಗೂ ಒಡ್ದುಗಳು ಒಡೆದು ರೈತರಿಗೆ ನಷ್ಟವುಂಟಾಗುತ್ತಿದೆ. ಪ್ರತಿ ವರ್ಷದ ಈ ಸಮಸ್ಯೆಗೆ ಮುಕ್ತಿ ಯಾವಾಗ ಎಂಬುದು ಈ ಭಾಗದ ರೈತರ ಪ್ರಶ್ನೆಯಾಗಿದೆ.

. ದಶಕಗಳಿಂದಲೂ ಬೆಣ್ಣೆ ಹಾಗೂ ತುಪ್ಪರಿಹಳ್ಳಗಳ ನೆರೆ ಹಾವಳಿಯಿಂದಾಗಿ ಸಾವಿರಾರು ಹೆಕ್ಟೇರ್ ಪ್ರದೇಶದ ಫಲವತ್ತಾದ ಭೂಮಿ ನೀರು ಪಾಲಗುವುದರ ಜೊತೆಗೆ ರೈತರ ಆರ್ಥಿಕ ಸಂಕಷ್ಟಕ್ಕೂ ಹೊಡೆತ ಬೀಳುತ್ತಲೇ ಬಂದಿದೆ. ಈ ಸಮಸ್ಯೆಗೊಂದು ಶಾಶ್ವತ ಪರಿಹಾರ ಕಂಡುಕೊಳ್ಳಲು ಪ್ರತಿ ವರ್ಷ ಹೊಳೆತ್ತುವ ಕಾಮಗಾರಿಗಾಗಿ ಕೋಟ್ಯಂತರ ರೂಪಾಯಿ ಖರ್ಚು ಮಾಡುತ್ತಲೇ ಬಂದಿದ್ದಾರೆ ಹೊರತು ಶಾಶ್ವತ ಪರಿಹಾರ ದೊರೆತಿಲ್ಲ.

. ‘ಇನ್ನೂ ಕಿರು ಹಳ್ಳಗಳ ಒತ್ತುವರಿಯಿಂದಾಗಿ ಹಳ್ಳಗಳು ಚಿಕ್ಕದಾಗಿ ಜಾಲಿಕಂಟಿ ಬೆಳೆದ ಪರಿಣಾಮ ಸಣ್ಣ ಮಳೆಯಾದರು ನೀರು ಸರಾಗವಾಗಿ ಹರಿದು ಹೋಗಲು ಜಾಗವಿಲ್ಲದೆ ಜಮೀನಿನ ಮೇಲೆ ಹರಿದು ಫಲವತ್ತಾದ ಮಣ್ಣು ಕೊಚ್ಚಿಕೊಂಡು ಹೋಗುವುದರ ಜೊತೆಗೆ ಒಡ್ದುಗಳು ಒಡೆದು ಈ ವರ್ಷ ಸಾವಿರಾರು ಹೆಕ್ಟೇರ್ ಪ್ರದೇಶ ಭೂಮಿ ಬರಡಾಗಿ ನಿಂತಿದೆ. ಜೊತೆಗೆ ಈಗ ತಾನೇ ಮುಂಗಾರಿನಲ್ಲಿ ಬಿತ್ತನೆ ಮಾಡಿದ ಹೆಸರು, ಉದ್ದು ಹತ್ತಿ, ಗೋವಿನಜೋಳ, ಮೊಳಕೆಯೊಡೆದ ಬೆಳೆಗಳು ನಾಶವಾಗಿದೆ’ ಎಂಬುದು ರೈತರ ಅಳಲಾಗಿದೆ.

. ‘ಅಣ್ಣಿಗೇರಿ ರಸ್ತೆಯಲ್ಲಿರುವ ಹೋಲಿ ಹಳ್ಳವನ್ನು ಡಿಬಿಪಿಎಲ್ ( ಧಾರವಾಡ ಬಯೋ ಎನರ್ಜಿ ಪ್ರೈವೇಟ್ ಲಿಮಿಟೆಡ್ ) ಕಂಪನಿಯವರು ಅತಿಕ್ರಮಿಸಿಕೊಂಡಿರುವ ಕಾರಣ ನೀರು ಹರಿದು ಹೋಗಲು ಜಾಗವಿಲ್ಲದಂತಾಗಿ ಸುತ್ತಮುತ್ತಲಿನ ನೂರಾರು ಹೆಕ್ಟೇರ್ ಪ್ರದೇಶದ ಜಮೀನಗಳಿಗೆ ಹಾನಿಯುಂಟಾಗುವುದರ ಜೊತೆಗೆ ಹೊಲರಸ್ತೆಗಳು ಕೊಚ್ಚಿಕೊಂಡು ಹೋಗಿ ಕೃಷಿ ಚಟುವಟಿಕೆಗೆ ದಾರಿ ಇಲ್ಲದಂತಾಗಿದೆ’ ಎಂದು ರೈತರಾದ ಶೇಖರಯ್ಯ ಹಿರೇಮಠ, ರಾಜಪ್ಪ ಇಂಗಳಹಳ್ಳಿ ಆರೋಪಿಸಿದರು.

. ‘ರೋಣ ರಸ್ತೆಯಲ್ಲಿರುವ ಅಂಬಲಿ ಹಳ್ಳದುದ್ದಕ್ಕೂ ಜಾಲಿಕಂಟಿಗಳು ಬೆಳೆದು ಹಳ್ಳ ಚಿಕ್ಕದಾಗಿ ನೆರೆಹಾವಳಿ ಉಂಟಾಗುತ್ತಿರುವ ಕಾರಣ ಹೊಲ ರಸ್ತೆಗಳು ಕಿತ್ತುಹೋಗಿವೆ. ಪಕ್ಕದಲ್ಲಿಯೇ ಇರುವ ಬಾಸನಸರವಿಗೆ ಸಿಡಿ ನಿರ್ಮಾಣ ಮಾಡಿ ರಸ್ತೆ ದುರಸ್ತಿ ಮಾಡಿ ಈ ಭಾಗದ ರೈತರ ಜಮೀನಿಗೆ ತರಳಲು ಶಾಸಕ ಎನ್.ಎಚ್.ಕೋನರಡ್ಡಿ ಅನುವು ಮಾಡಿ ಕೊಡಲಿ’ ಎಂದು ಪ್ರಗತಿಪರ ರೈತ ಮಂಜುನಾಥ್ ಗಡ್ಡಿ ಆಗ್ರಹಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನವಲಗುಂದ | ನೆರೆ; ಕೃಷಿಭೂಮಿಗೆ ಹಾನಿ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ

ರಣಜಿ | ಫಿಟ್‌ನೆಸ್ ಕೊರತೆ, ಅಶಿಸ್ತು: ಮುಂಬೈ ತಂಡದಿಂದ ಪೃಥ್ವಿ ಶಾಗೆ ಕೊಕ್

BAN vs SA ಮೊದಲ ಟೆಸ್ಟ್: ಸೋಲು ತಪ್ಪಿಸಲು ಬಾಂಗ್ಲಾ ಹೋರಾಟ

26ರ ಕಾಮನ್‌ವೆಲ್ತ್ ಗೇಮ್ಸ್: ಬ್ಯಾಡ್ಮಿಂಟನ್, ಶೂಟಿಂಗ್, ಹಾಕಿ, ಕ್ರಿಕೆಟ್‌ಗೆ ಕೊಕ್

ಭಾರತ ವಿರುದ್ಧದ 2ನೇ ಟೆಸ್ಟ್‌ಗೂ ನ್ಯೂಜಿಲೆಂಡ್ ಬ್ಯಾಟರ್ ಕೇನ್ ವಿಲಿಯಮ್ಸನ್ ಅಲಭ್ಯ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ