ವಿಕಾಸ ನಗರದ ಫಕೀರಪ್ಪ ಖನೋಜ್ ಮತ್ತು ಸುಧಾ ದಂಪತಿಯ ಪುತ್ರ, 19 ವರ್ಷ ವಯಸ್ಸಿನ ಅಕ್ಷಯ ಅವರು ಬಿ.ಸಿ.ಎ ನಾಲ್ಕನೇ ಸೆಮಿಸ್ಟರ್ ವಿದ್ಯಾರ್ಥಿಯಾಗಿದ್ದರು. ಮೂರು ವರ್ಷಗಳಿಂದ ದೇಹದಾರ್ಢ್ಯ ಮತ್ತು ಭಾರ ಎತ್ತುವ ಸ್ಪರ್ಧೆಗೆ ಸಜ್ಜಾಗುತ್ತಿದ್ದ ಅವರು ಈ ಬಾರಿ ಕರ್ನಾಟಕ ವಿವಿ ಅಂತರ ಕಾಲೇಜು ಏಕವಲಯ ಭಾರ ಎತ್ತುವ ಸ್ಪರ್ಧೆಯ 59 ಕೆ.ಜಿ ವಿಭಾಗದಲ್ಲಿ ತೃತೀಯ ಸ್ಥಾನ ಪಡೆದಿದ್ದರು. ಗಿರಣಿ ಚಾಳದ ಮೆಟ್ರೊ ಫ್ಲೆಕ್ಸ್ ಜಿಮ್ನಲ್ಲಿ ಅಭ್ಯಾಸ ಮಾಡುತ್ತಿದ್ದರು. ‘ಅಕ್ಷಯ ಒಳ್ಳೆಯ ಹುಡುಗ. ತುಂಬ ಧೈರ್ಯಶಾಲಿ. ಕ್ರೀಡಾ ಕ್ಷೇತ್ರದಲ್ಲಿ ಉತ್ತಮ ಭವಿಷ್ಯ ಇತ್ತು. ನನಗೆ ಆತನ ಮೇಲೆ ಉತ್ತಮ ಭರವಸೆಯೂ ಇತ್ತು. ಆದರೆ ವಿಧಿಯಾಟ ಬೇರೆಯೇ ಆಯಿತು’ ಎಂದು ಜಿಮ್ ಮಾಲೀಕ ಹಾಗೂ ತರಬೇತುದಾರ ಸಂದೀಪ ಪೂಜಾರಿ ತಿಳಿಸಿದರು.