ನಿಗದಿಪಡಿಸಿರುವ ಮರಳು ಯಾರ್ಡ್ ನಿಂದ ರಹದಾರಿ ನೀಡಿರುವಂತೆ ಮರಳು ಸಾಗಾಣಿಕೆಯನ್ನು ವ್ಯವಸ್ಥಿತವಾಗಿ ನಿರ್ವಹಿಸುವ ಸಂಬಂಧವಾಗಿ ಈಗಾಗಲೇ ಗುರುತಿಸಿರುವ ಚೆಕ್ ಪೋಸ್ಟ್ ಗಳಲ್ಲಿ ಸಮರ್ಪಕವಾಗಿ ಕಾರ್ಯ ನಿರ್ವಹಿಸಲು ನೌಕರರ ಹಾಗೂ ಮೇಲ್ವಿಚಾರಣೆ ಮಾಡಲು ಅಧಿಕಾರಿಗಳ ತಂಡ ರಚಿಸಲಾಗಿದೆ. ಜ.10 ರಿಂದ 25ರ ವರೆಗೆ ಮೊದಲನೇ ಹಂತದಲ್ಲಿ ಕಾರ್ಯ ನಿರ್ವಹಣೆಗಾಗಿ ತಂಡ ರಚಿಸಿ ಪ್ರತ್ಯೇಕ ಸಮಿತಿ ರಚಿಸಿದೆ. ಮರಳು ದಾಸ್ತಾನು ಸ್ಥಳದಿಂದ ಗ್ರಾಹಕರ ಕೋರಿಕೆಗೆ ಅನುಗುಣವಾಗಿ ರಹದಾರಿ ಪತ್ರ ನೀಡಲಾಗಿರುತ್ತದೆ. ಇದು ಒಂದು ಟ್ರಿಪ್ ಗೆ ಮಾತ್ರ ನೀಡಲಾಗಿದ್ದು, ದುರ್ಬಳಕೆ ಆಗದಂತೆ ನಿಗಾವಹಿಸಬೇಕು ಎಂದು ತಿಳಿಸಿದರು.