ದನಗಾಹಿ ಮಹಿಳೆ ಕೊಲೆ: ಶವ ಹೂತ ದುಷ್ಕರ್ಮಿಗಳು

ಪುಟ್ಟಲಕ್ಷಮಮ್ಮ (50) ಕೊಲೆಯಾದ ಮಹಿಳೆ. ದನ ಮೇಯಿಸಲು ಹೋದ ಪುಟ್ಟಲಕ್ಷ್ಮಮ್ಮ ಬುಧವಾರ ರಾತ್ರಿಯಾದರೂ ಮನೆಗೆ ಬರಲಿಲ್ಲ. ಮನೆಯವರು ಗಾಬರಿಗೊಂಡು ಹುಡುಕಾಡಿದರೂ ಸಿಗಲಿಲ್ಲ. ಗುರುವಾರ ದನ ಮೇಯಿಸುವ ಸ್ಥಳದಲ್ಲಿ ಮಣ್ಣಿನಲ್ಲಿ ಮುಚ್ಚಿದ ಶವ ಪತ್ತೆಯಾಗಿದೆ.

ಯಾರು ಯಾವ ಕಾರಣಕ್ಕೆ ಕೊಲೆ ಮಾಡಿದರೂ ಎಂಬ ಬಗ್ಗೆ ಮಾಹಿತಿ ತಿಳಿದು ಬಂದಿಲ್ಲ. ಪೊಲೀಸರು ಶ್ವಾನದಳ ಸಿಬ್ಬಂದಿಯೊಂದಿಗೆ ಬಂದು ಸ್ಥಳ ಪರಿಶೀಲಿಸಿದರು.

ಹಳೇಬೀಡು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಪರೀಕ್ಷೆಗಾಗಿ ಶವ ಹೊರ ತೆಗೆಯಲು ಉಪ ವಿಭಾಗಾಧಿಕಾರಿಗಳ ಆದೇಶ ನೀಡಲು ಕೋರಿದ್ದಾರೆ.