ಮೇ ತಿಂಗಳಿನಲ್ಲಿ ಉಭಯ ದೇಶಗಳು ಕೆಲವು ಒಪ್ಪಂದಗಳನ್ನು ಮಾಡಿಕೊಳ್ಳುವುದಾಗಿ ಘೋಷಿಸಿದ್ದರೂ, ಚೀನಾದಿಂದ ಆಮದಾಗುವ ಸರಕುಗಳಿಗೆ ವಿಧಿಸುವ ಆಮದು ಸುಂಕದ ಬಗ್ಗೆ ಜೂನ್ 15 ರಂದು ಅಮೆರಿಕ ಸರ್ಕಾರ ಘೋಷಿಸಲಿದೆ. ಪ್ರಸ್ತಾವಿತ ಹೂಡಿಕೆ ನಿರ್ಬಂಧ ಮತ್ತು ರಫ್ತು ಮಿತಿಯ ಬಗ್ಗೆ ಜೂನ್ 30 ರಂದು ಹೊರಬೀಳಲಿವೆ ಎಂದು ಶ್ವೇತಭವನ ಹೇಳಿದೆ. ಅಮೆರಿಕದ ವಾಣಿಜ್ಯ ಕಾರ್ಯದರ್ಶಿ ಭೇಟಿಯಿಂದ ಚೀನಾದ ಅಸಮಾಧಾನ ತುಸು ತಗ್ಗುವ ಸಾಧ್ಯತೆ ಇದೆ ಎಂದು ಮಾಧ್ಯಮಗಳು ಹೇಳಿವೆ.