ಸುಂಟಿಕೊಪ್ಪ: ಚುನಾವಣಾ ಆಯೋಗದ ತಾಲ್ಲೂಕು ಸ್ವೀಪ್ ಕಾರ್ಯಕ್ರಮದ ಸಂಯೋಜಕ ಡಿ.ಡಿ.ಪೆಮ್ಮಯ್ಯ ಇಲ್ಲಿನ ಅಪ್ಪರಂಡ ಬಡಾವಣೆಯಲ್ಲಿ ಮತದಾರರ ಗುರುತಿನ ಚೀಟಿಗೆ ಹೆಸರು ನೋಂದಣಿ ಮಾಡುವಂತೆ ಹಾಗೂ ಪ್ರತಿಯೊಬ್ಬ ಮತದಾರರು ಕಡ್ಡಾಯವಾಗಿ ಮತದಾನ ಮಾಡುವಂತೆ ಮಂಗಳವಾರ ಪ್ರತಿಜ್ಞಾ ವಿಧಿ ಬೋಧಿಸಿದರು.
ಇಲ್ಲಿನ 2ನೇ ವಿಭಾಗದ ಅಪ್ಪರಂಡ ಬಡಾವಣೆಯಲ್ಲಿ ಮಂಗಳವಾರ ಮಧ್ಯಾಹ್ನ ಮತದಾರರ ಪಟ್ಟಿಗೆ ಯುವಕ ಯುವತಿಯರು ಸೇರಿದಂತೆ ಪ್ರತಿಯೊಬ್ಬ ಪ್ರಜೆಯೂ ಮತದಾನದ ಪವಿತ್ರ ಹಕ್ಕನ್ನು ಹೊಂದಲು ಆರ್ಹರಾಗಿರುತ್ತಾರೆ. 18 ವರ್ಷ ತುಂಬಿದ ಪ್ರತಿಯೊಬ್ಬರೂ ಚುನಾವಣಾ ಅಧಿಕಾರಿಗೆ ದಾಖಲೆಗಳನ್ನು ನೀಡಿ ಹೆಸರು ನೋಂದಾಯಿಸಿಕೊಳ್ಳಬೇಕು. ಮತದಾನದ ಹಕ್ಕು ಪಡೆದ ಎಲ್ಲರೂ ಮತದಾನದಲ್ಲಿ ಪಾಲ್ಗೊಳ್ಳಬೇಕು ಎಂದರು.
ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿಯ ಪಿಡಿಒ ಮೇದಪ್ಪ, ಗ್ರಾಮ ಪಂಚಾಯಿತಿ ಕಾರ್ಯದರ್ಶಿ ನಿತ್ಯಾ, ಸಿಬ್ಬಂದಿ ಶ್ರೀನಿವಾಸ್, ಪುನೀತ್ ಕುಮಾರ್ ಇದ್ದರು.