ಭಾನುವಾರ, ಅಕ್ಟೋಬರ್ 25, 2020
22 °C
ಸಂಕಷ್ಟಕ್ಕೆ ಸಿಲುಕಿದ ರೈತರು, ಬೆಳೆಗೆ ಮಾರಕವಾದ ಮಳೆ

200 ಎಕರೆ ಶುಂಠಿ ನೀರು ಪಾಲು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಯಡ್ರಾಮಿ: ನಿರಂತರವಾಗಿ ಸುರಿಯುತ್ತಿರುವ ಭಾರಿ ಮಳೆಗೆ ತಾಲ್ಲೂಕಿನ ಮಾಣಶಿವಣಗಿ ಮತ್ತು ಸುಂಬಡ ಗ್ರಾಮದಲ್ಲಿ ಶುಂಠಿ ಬೆಳೆ ಪೂರ್ತಿ ಹಾನಿಗೀಡಾಗಿದ್ದು, ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಕಳೆದ ವರ್ಷ ಭಾರಿ ಬೆಲೆ ಬಂದಿದ್ದರಿಂದ ಪ್ರಸಕ್ತ ವರ್ಷ ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಶುಂಠಿ ನಾಟಿ ಮಾಡಿದ್ದಾರೆ. ಆದರೆ ಇದೀಗ ತೇವಾಂಶ ಹೆಚ್ಚಳದಿಂದ ಶುಂಠಿ ನಾಶವಾಗಿ, ರೈತರಲ್ಲಿ ಕಣ್ಣೀರು ತರಿಸಿದೆ. ಶುಂಠಿ ಬಂಪರ್ ಬೆಳೆ ಬಂದಿತ್ತು. ಇನ್ನೇನು ಕೆಲವೇ ದಿನಗಳಲ್ಲಿ ಫಸಲು ಬರುವುದರಲ್ಲಿತ್ತು. ಆದರೆ ಸತತ ಮಳೆಯಿಂದ ಬೆಳೆ ಕೊಳೆತು ಹೋಗಿದೆ.

ತಾಲ್ಲೂಕಿನಲ್ಲಿ ಇದೇ ಮೊದಲ ಬಾರಿಗೆ  ರೈತರು ಹತ್ತಿ, ತೊಗರಿ ಬಿಟ್ಟು ಶುಂಠಿ ಬೆಳೆದಿದ್ದಾರೆ. ಮಾಣಶಿವಣಗಿಯಲ್ಲಿ ಮಾಳಪ್ಪ ಪೂಜಾರಿ ಚೌದ್ರಿ 2 ಎಕರೆ, ಅಣ್ಣಪ್ಪ 2 ಎಕರೆ, ಅಮಯೋಗಪ್ಪ ಚೌದ್ರಿ 7 ಎಕರೆ, ಸತ್ಯಪ್ಪ ನಾಯ್ಕೋಡಿ 1 ಎಕರೆ, ಪಂಡಿತ ಸಾಹು ಕುಡಿ ಎರಡುವರೆ ಎಕರೆ, ಮಹಾದೇವಪ್ಪ ಚೌದ್ರಿ 1 ಎಕರೆ, ಮಲ್ಲಿಕ್ ಸಾಬ 1 ಎಕರೆ, ಪರಸುರಾಮ ಯಲ್ಲಪ್ಪ 1 ಎಕರೆ, ರಜಕ್ ಸಾಬ 1 ಎಕರೆ, ಕಾಂತಪ್ಪ ಶಿವಶರಣಪ್ಪ 1 ಎಕರೆ, ಸುಂಬಡ ಗ್ರಾಮದ ದೇವಪ್ಪ ಶರಣಪ್ಪ ಒಂದೂವರೆ ಎಕರೆ ಸೇರಿದಂತೆ ಎರಡು ಗ್ರಾಮದಲ್ಲಿ ಸುಮಾರು 200ಕ್ಕೂ ಅಧಿಕ ಎಕರೆ ಶುಂಠಿ ಹಾನಿಯಾಗಿದೆ.

ಸಾಮಾನ್ಯವಾಗಿ  ಮೇ ತಿಂಗಳಲ್ಲಿ ಶುಂಠಿ ಬಿತ್ತನೆ ಆರಂಭವಾಗುತ್ತದೆ. 8 ಅಥವಾ 9 ತಿಂಗಳಲ್ಲಿ ಬೆಳೆ ಬರುತ್ತದೆ. ಒಂದು ಎಕರೆ ಶುಂಠಿ ಬೆಳೆಸಲು ಸುಮಾರು 3 ರಿಂದ 3 ಲಕ್ಷ ತಗಲುತ್ತದೆ. ಇಷ್ಟು ದಿನ ನೀರು, ಗೊಬ್ಬರ ಹಾಕಿ ಬೆಳೆಸಿರುವುದು ವ್ಯರ್ಥವಾಗಿದೆ. ಅದಕ್ಕಾಗಿ ರೈತರ ನೆರವಿಗೆ ಸರ್ಕಾರ ಬರಬೇಕು ಎಂಬುದು ರೈತರ ಆಗ್ರಹ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.