ಕಲಬುರ್ಗಿ: ‘ಕಲಬುರ್ಗಿ ಜಿಲ್ಲೆಯಲ್ಲಿ 149, ಯಾದಗಿರಿ ಜಿಲ್ಲೆಯಲ್ಲಿ 291 ಕೆರೆಗಳಿದ್ದು, ಕೆರೆ ಅಳತೆ ಮಾಡಲು ಕಾರ್ಯಪಡೆ ರಚಿಸಲಾಗಿದೆ’ ಎಂದು ಕಂದಾಯ ಸಚಿವ ಆರ್.ವಿ.ದೇಶಪಾಂಡೆ ತಿಳಿಸಿದ್ದಾರೆ.
ವಿಧಾನ ಪರಿಷತ್ ಸದಸ್ಯ ಬಿ.ಜಿ.ಪಾಟೀಲ ಅವರ ಪ್ರಶ್ನೆಗೆ ಲಿಖಿತ ಉತ್ತರ ನೀಡಿರುವ ಸಚಿವರು, ‘ಕಲಬುರ್ಗಿಯಲ್ಲಿ 83 ಕೆರೆಗಳನ್ನು ಅಳತೆ ಮಾಡಿಸಲಾಗಿದೆ. ಅವು ಒಟ್ಟು 1,908.81 ಹೆಕ್ಟೇರ್ ವಿಸ್ತೀರ್ಣ ಹೊಂದಿವೆ. ಅದೇ ರೀತಿ ಯಾದಗಿರಿಯಲ್ಲಿ 44 ಕೆರೆಗಳನ್ನು ಅಳತೆ ಮಾಡಿಸಲಾಗಿದ್ದು, 4,570.07 ಹೆಕ್ಟೇರ್ ವಿಸ್ತೀರ್ಣ ಹೊಂದಿವೆ’ ಎಂದು ತಿಳಿಸಿದ್ದಾರೆ.
