ವಾಷಿಂಗ್ಟನ್: ಎಚ್–4 ವೀಸಾದಾರರಿಗೆ ನೀಡಲಾಗಿರುವ ಕೆಲಸದ ಪರವಾನಗಿ ರದ್ದು ಮಾಡುವ ನಿರ್ಧಾರವನ್ನು ಅಮೆರಿಕ ದೃಢೀಕರಿಸಿದೆ.
ವಿದೇಶಿ ವೃತ್ತಿಪರರಿಗೆ ಎಚ್1–ಬಿ ವೀಸಾ ನೀಡಲಾಗುತ್ತದೆ. ಅವರ ಸಂಗಾತಿಗಳಿಗೆ ಎಚ್–4 ವೀಸಾ ಕೊಡುತ್ತಾರೆ. ಇಂತಹ ವೀಸಾದಾರರಿಗೆ ಬರಾಕ್ ಒಬಾಮ ಸರ್ಕಾರವು ಕೆಲಸದ ಪರವಾನಗಿಯನ್ನು ನೀಡಿತ್ತು. ಅದನ್ನು ರದ್ದುಪಡಿಸುವುದು ಖಚಿತ ಎಂದು ಈಗಿನ ಸರ್ಕಾರ ತಿಳಿಸಿದೆ.
ಅಮೆರಿಕ ಸರ್ಕಾರವು ಎಚ್–1ಬಿ ವೀಸಾ ನೀತಿಯನ್ನು ಪರಿಶೀಲನೆಗೆ ಒಳಪಡಿಸಿದೆ. ಅಮೆರಿಕದ ಕೆಲಸಗಾರರ ಬದಲಿಗೆ ವಿದೇಶಿಯರನ್ನು ನೇಮಿಸಿಕೊಳ್ಳುವ ಕಂಪನಿಗಳು ಎಚ್–1ಬಿ ವೀಸಾವನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿವೆ ಎಂದು ಸರ್ಕಾರ ಭಾವಿಸಿದೆ.
ಎಚ್–4 ವೀಸಾ ರದ್ದುಪಡಿಸಿದರೆ 70 ಸಾವಿರಕ್ಕೂ ಹೆಚ್ಚು ಭಾರತೀಯರಿಗೆ ತೊಂದರೆಯಾಗಲಿದೆ.