ಕಾಳಗಿ: ಅತಿಥಿ ಶಿಕ್ಷಕಿಯಿಂದ ಹಸಿರು ಕೊಡುಗೆ

ಕಾಳಗಿ : ಸರ್ಕಾರಿ ಶಾಲೆ ಎಂದರೆ ಮೂಗು ಮುರಿಯುವ ಅದೆಷ್ಟೊ ಜನ ಸರ್ಕಾರಿ ನೌಕರರ ನಡುವೆ ಕಾಯಂ ಇಲ್ಲದೇ ಇರುವ ಅತಿಥಿ ಶಿಕ್ಷಕಿಯೊಬ್ಬರು ₹40 ಸಾವಿರ ಖರ್ಚು ಮಾಡಿ ತಾನು ಬೋಧಿಸುವ ಶಾಲೆಯ ಮೈದಾನದಲ್ಲಿ ಹಸಿರು ಸಸಿಗಳನ್ನು ನೆಟ್ಟು ಶಾಲಾ ಬೆಳವಣಿಗೆಗೆ ಪಾತ್ರರಾಗಿದ್ದಾರೆ.

. ಕಾಳಗಿ ಕರಿಕಲ್ ತಾಂಡಾದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲಾ ಆವರಣವೇ ಅತಿಥಿ ಶಿಕ್ಷಕಿ ಸಾವಿತ್ರಿ ಶ್ರೀನಿವಾಸ ಗುರುಮಠಕಲ್ ಅವರ ಹಸಿರು ಪ್ರೀತಿಯ ಕಾಳಜಿಗೆ ಸಾಕ್ಷಿಯಾಗಿದೆ. ಒಟ್ಟು 1 ರಿಂದ 5ನೇ ತರಗತಿ, ಭಾಷೆ ಸಮಸ್ಯೆಯ 19 ಮಕ್ಕಳು, 4 ಕೊಠಡಿ, ತಕ್ಕ ಮಟ್ಟಿಗೆ ಮೈದಾನ ಹೊಂದಿರುವ ಈ ಶಾಲೆಯಲ್ಲಿ ಒಬ್ಬರು ಸರ್ಕಾರಿ ಶಿಕ್ಷಕರು (ನಿಯೋಜನೆ) ಇನ್ನೊಬ್ಬರು ಅತಿಥಿ ಶಿಕ್ಷಕಿ ಇದ್ದಾರೆ.

. ಇದೇ ಅಂಗಳದಲ್ಲಿ ಅಂಗನವಾಡಿ ಕೇಂದ್ರವೂ ಇದ್ದು, ಅಲ್ಲಿ 21 ಮಕ್ಕಳಿದ್ದಾರೆ. ಸ್ಥಳೀಯರ ಮತ್ತು ಇಲಾಖೆಯ ಆಸಕ್ತಿಯಿಂದ ಶಾಲೆಯಲ್ಲಿ ಮಕ್ಕಳಿಗೆ ಕುಳಿತುಕೊಳ್ಳಲು ಉತ್ತಮವಾದ ಡೆಸ್ಕ್ಗಳಿವೆ. ಕುಡಿಯುವ ನೀರಿಗಾಗಿ ಬೋರ್ವೆಲ್, ಕಾಂಪೌಂಡ್ ಗೋಡೆಗೆ ಗೇಟ್, ಒಳಗಡೆ ಆಟಿಕೆಯ ಒಂದೆರಡು ಪರಿಕರಗಳಿವೆ.

. ಈ ಮಧ್ಯೆ ಕಳೆದೊಂದು ವರ್ಷದಿಂದ ಈ ಶಾಲೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಅತಿಥಿ ಶಿಕ್ಷಕಿ ಸಾವಿತ್ರಿ, ತನ್ನ ಸ್ವಂತ ಖರ್ಚಿನಲ್ಲಿ ಶಾಲಾ ಆವರಣದಲ್ಲಿ ಸಸಿಗಳನ್ನು ಬೆಳೆಸಿ ಕಳೆ ಹೆಚ್ಚಿಸಲು ಮನಸ್ಸು ಮಾಡಿದ್ದಾರೆ. ಡಿಸೆಂಬರ್ 2025ರಲ್ಲಿ ಆಂಧ್ರಪ್ರದೇಶದ ರಾಜಮಂಡ್ರಿ ನರ್ಸರಿಯಿಂದ ಉಜನಿ-200, ಆರ್.ಕೆ.ಫಾರ್ಮ್-10, ಪೋಸ್ಟರ್ ಫಾರ್ಮ್-10, ಕ್ರಿಸ್ ಮಸ್-4 ಸಸಿಗಳನ್ನು ತರಿಸಿದ್ದಾರೆ.

. ಜತೆಗೆ ಅರಣ್ಯ ಇಲಾಖೆಯಿಂದ ನೇರಳೆ ಹಣ್ಣಿನ ಗಿಡ, ಮಹಾಗನಿ, ಚೆರಿ ಗಿಡ ತಂದು ಎಲ್ಲಾ ಸಸಿ, ಗಿಡಗಳನ್ನು ಶಾಲಾ ಅಂಗಳದಲ್ಲಿ ಕ್ರಮಬದ್ಧವಾಗಿ ನೆಟ್ಟಿದ್ದಾರೆ. ಅಂದ ಹೆಚ್ಚಿಸಲು 800 ಇಟ್ಟಿಗೆ, 2 ಟ್ರ್ಯಾಕ್ಟರ್ ಕೆಂಪು ಮಣ್ಣು ಬಳಸಿ ಆಕರ್ಷಿಸುವಂತೆ ಮಾಡಿದ್ದಾರೆ.

. ಅಂದಿನಿಂದ ಮಕ್ಕಳು, ಶಿಕ್ಷಕರು ಕಲಿಕೆಯೊಂದಿಗೆ ಸಸಿ-ಗಿಡಗಳಿಗೆ ಬೋರವೆಲ್ ನೀರುಣಿಸುತ್ತ ಪರಿಸರ ಸಂರಕ್ಷಣೆಯಲ್ಲಿ ತೊಡಗಿ ಲವಲವಿಕೆಯ ವಾತಾವರಣ ಸೃಷ್ಟಿಸಿದ್ದಾರೆ. ಇದರಿಂದಾಗಿ ಶಾಲೆ ನೋಡುಗರನ್ನು ಆಕರ್ಷಿಸುತ್ತಿದೆ. ಇದನ್ನು ಗಮನಿಸಿದ ತಾಂಡಾದ ನಿವಾಸಿಗಳು, ಪೋಷಕರು ಅತಿಥಿ ಶಿಕ್ಷಕಿಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ ಶ್ಲಾಘಿಸಿದ್ದಾರೆ.

. ನನ್ನ ಪತಿ ಗಿಡಮರ ಬೆಳೆಸುವ ಆಸಕ್ತಿ ಹೊಂದಿದ್ದಾರೆ. ಆ ಪ್ರೇರಣೆ ನನಗಾಗಿ ನನ್ನ ಶಾಲೆಗೆ ಅಳಿಲು ಸೇವೆ ಮಾಡಿದ್ದೆನೆ. ಮಕ್ಕಳು ಖುಷಿಯಿಂದ ನೀರುಣಿಸುತ್ತಾರೆ ಸಾವಿತ್ರಿ ಶ್ರೀನಿವಾಸ ಗುರುಮಠಕಲ್ ಅತಿಥಿ ಶಿಕ್ಷಕಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಳಗಿ: ಅತಿಥಿ ಶಿಕ್ಷಕಿಯಿಂದ ಹಸಿರು ಕೊಡುಗೆ

ಚಿನಕುರುಳಿ: 2026ರ ಮಾರ್ಚ್ 5, ಗುರುವಾರ

ಚುರುಮುರಿ: ಫೋನ್‌ ಕದ್ದಾಲಿಕೆ ಪವರ್!

ದಿನ ಭವಿಷ್ಯ: ಮೋಸವಾಗುವ ಪಾಲುದಾರಿಕೆಯಿಂದ ಹೊರಬರುವ ಚಿಂತನೆ ಸೂಕ್ತ

T20 World Cup: ಸೆಮಿಫೈನಲ್‌ನಲ್ಲಿ ವೇಗದ ಶತಕ ಸಿಡಿಸಿ ಹಲವು ದಾಖಲೆ ಬರೆದ ಅಲೆನ್

Semi Final: ಮೈದಾನಕ್ಕೆ ಇಳಿಯುತ್ತಿದ್ದಂತೆ ದಿಗ್ಗಜರ ಸಾಲಿಗೆ ಸೇರಿದ ಜೋಸ್ ಬಟ್ಲರ್

ನಮ್ಮನ್ನು ಸೋಲಿಸಿಲ್ಲ, ಒದ್ದು ಹೊರಹಾಕಿದರು: ದ.ಆಫ್ರಿಕಾ ಕೋಚ್ ಶುಕ್ರಿ ಕಾನ್ರಾಡ್

Semi Final: ಭಾರತ ವಿರುದ್ಧ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಆಂಗ್ಲರು

ಸಾನಿಯಾ ಜೊತೆ ಹಸೆಮಣೆ ಏರಿದ ಅರ್ಜುನ್ ತೆಂಡೂಲ್ಕರ್: ದಿಗ್ಗಜರಿಂದ ಶುಭಹಾರೈಕೆ

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: 2026ರ ಮಾರ್ಚ್ 5, ಗುರುವಾರ

ಚುರುಮುರಿ: ಫೋನ್‌ ಕದ್ದಾಲಿಕೆ ಪವರ್!

ದಿನ ಭವಿಷ್ಯ: ಮೋಸವಾಗುವ ಪಾಲುದಾರಿಕೆಯಿಂದ ಹೊರಬರುವ ಚಿಂತನೆ ಸೂಕ್ತ

T20 World Cup: ಸೆಮಿಫೈನಲ್‌ನಲ್ಲಿ ವೇಗದ ಶತಕ ಸಿಡಿಸಿ ಹಲವು ದಾಖಲೆ ಬರೆದ ಅಲೆನ್