ಮುಳಬಾಗಿಲು: ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಆಶ್ರಯ ಪಡೆದಿರುವ 23 ಮಂದಿ ಕಾರ್ಮಿಕರನ್ನು ಜಿಲ್ಲಾಧಿಕಾರಿ ಸತ್ಯಭಾಮ ಸೋಮವಾರ ಸಂಜೆ ಭೇಟಿಮಾಡಿ ಮಾಹಿತಿ ಪಡೆದರು.
ಕಾಲೇಜು ಕಾಮಗಾರಿ ಮಾಡಲು ದೂರದ ಊರುಗಳಿಂದ ಬಂದಿದ್ದ ಇವರುಗಳನ್ನು ಗುತ್ತಿಗೆದಾರ ಇಲ್ಲಿಯೇ ಬಿಟ್ಟು ಹೋಗಿದ್ದರು. ಕಾರ್ಮಿಕರು ತಹಶೀಲ್ದಾರ್ ಬಳಿ ಆಳಲು ತೊಡಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಅವರಿಗೆ ತಾಲ್ಲೂಕು ಆಡಳಿತ ಊಟ, ವಸತಿ ಸೌಕರ್ಯವನ್ನು ಒದಗಿಸಿತ್ತು.
ಏಪ್ರಿಲ್ 14ರವರೆಗೂ ಅವರು ತಮ್ಮ ಸ್ವಸ್ಥಳಗಳಿಗೆ ಹೋಗಲು ಸಾಧ್ಯವಾಗದ ಕಾರಣ ಅವರ ಯೋಗಕ್ಷೇಮವನ್ನು ನೋಡಿಕೊಳ್ಳುವುದು ತಾಲ್ಲೂಕು ಆಡಳಿತದ ಜವಾಬ್ದಾರಿಯಾಗಿದೆ ಎಂದು ಹೇಳಿದರು. ಉಪ ವಿಭಾಗಾಧಿಕಾರಿ ಸೋಮಶೇಖರ್, ತಹಶೀಲ್ದಾರ್ ಕೆ.ಎನ್.ರಾಜಶೇಖರ್, ಅಲಂಗೂರು ಮಂಜುನಾಥ್ ಇದ್ದರು.
