ಕೋಲಾರ | ಕೆ.ಸಿ.ವ್ಯಾಲಿ 2ನೇ ಹಂತದ ಯೋಜನೆ: ತಾಲ್ಲೂಕಿನ 30 ಕೆರೆಗಳಿಗೆ ನೀರು

ದಿನಂಪ್ರತಿ 290 ಎಂಎಲ್‌ಡಿ! ಕೋರಮಂಗಲ ಚಲಘಟ್ಟ (ಕೆ.ಸಿ.ವ್ಯಾಲಿ) ಸಂಸ್ಕರಣಾ ಘಟಕಗಳಿಂದ ಜಿಲ್ಲೆಗೆ 440 ಎಂಎಲ್‌ಡಿ ನೀರು ಹರಿಸುವ ಯೋಜನೆ ಇದಾಗಿದೆ. ಈಗ ದಿನಂಪ್ರತಿ ಸರಾಸರಿ 290 ಎಂಎಲ್‌ಡಿ ಮಾತ್ರ ನೀರು ಲಭ್ಯವಾಗುತ್ತಿದೆ. ಮೊದಲ ಹಂತದಲ್ಲಿ 126 ಕೆರೆಗಳ ಜೊತೆಗೆ ಹೆಚ್ಚುವರಿಯಾಗಿ 12 ಕೆರೆಗಳು ಹಾಗೂ ಹೊಸಕೋಟೆ ತಾಲ್ಲೂಕಿನ 5 ಕೆರೆಗಳನ್ನು (ಅಟ್ಟೂರು ಬ್ಲೀಡರ್‌ ಪಾಯಿಂಟ್‌ನಿಂದ) ತುಂಬಿಸುವ ಯೋಜನೆಯಾಗಿದೆ. ಈವರೆಗೆ ಒಟ್ಟು 143 ಕೆರೆಗಳಿಗೆ (12 ಟಿಎಂಸಿ ಅಡಿ ನೀರು) ಮತ್ತು 133 ಚೆಕ್‌ ಡ್ಯಾಂಗಳಿಗೆ (1.20 ಟಿಎಂಸಿ ಅಡಿ ನೀರು) ನೀರು ತುಂಬಿಸಲಾಗಿದೆ. ಇದು ₹ 1342 ಮೊತ್ತದ ಕೋಟಿ ಯೋಜನೆಯಾಗಿದೆ.

2ನೇ ಹಂತದಲ್ಲಿ 272 ಕೆರೆ ಭರ್ತಿ ಕೆ.ಸಿ.ವ್ಯಾಲಿ ಎರಡನೇ ಹಂತದಲ್ಲಿ 9 ಕಡೆ ಪಂಪ್‌ಹೌಸ್‌ ನಿರ್ಮಿಸಿ 272 ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ಹೊಂದಲಾಗಿದೆ. ಕೋಲಾರ ಜಿಲ್ಲೆಯ 222 ಕೆರೆ ಹಾಗೂ ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ತಾಲ್ಲೂಕಿನ 50 ಕೆರೆಗಳಿಗೆ ಅವುಗಳ ಸಂಗ್ರಹಣಾ ಸಾಮರ್ಥ್ಯದ ಶೇ 50ರಷ್ಟು ನೀರು ಹರಿಸಲು ಯೋಜಿಸಲಾಗಿದೆ. ₹ 446‌.23 ಕೋಟಿ ವೆಚ್ಚದಲ್ಲಿ ಗುತ್ತಿಗೆದಾರರಿಗೆ ಕಾಮಗಾರಿ ವಹಿಸಲಾಗಿದೆ