ಬಹುತೇಕ ಭಕ್ತರು ಸಾಂಪ್ರದಾಯಿಕ ಚಕ್ಕಡಿಗಳಲ್ಲಿಯೇ ಸವದತ್ತಿ ಯಲ್ಲಮ್ಮನ ಜಾತ್ರೆಗೆ ಆಗಮಿಸುವುದು ವಾಡಿಕೆ. ಏಳು ಕೊಳ್ಳಗಳನ್ನು ದಾಟಿಕೊಂಡೇ ದೇವಸ್ಥಾನ ತಲುಪುವುದು ಭಕ್ತರಿಗೆ ಅನಿವಾರ್ಯ. ಬೆಟ್ಟ ಗುಡ್ಡಗಳಲ್ಲಿನ ಆ ಏರು ರಸ್ತೆಗಳಲ್ಲಿ ಚಕ್ಕಡಿಗಳನ್ನು ಎಳೆಯಲು ಎತ್ತುಗಳು ಬಲು ಪ್ರಯಾಸ ಪಡುತ್ತವೆ. ಆಗ ಚಕ್ಕಡಿಗಳಲ್ಲಿನ ಜನರು ಕೆಳಗಿಳಿದು ಚಕ್ಕಡಿಗಳನ್ನು ತಳ್ಳುವ ಮೂಲಕ ಎತ್ತುಗಳಿಗೆ ಆಸರೆಯಾಗುತ್ತಾರೆ. ಅಂತಹ ಒಂದು ಸನ್ನಿವೇಶವನ್ನೇ ಈ ಚಿತ್ರ ಒಳಗೊಂಡಿದೆ.