ಶೌಚಾಲಯ ಸ್ವಚ್ಛತೆಗೆ ಆಗ್ರಹಿಸಿ ಪ್ರತಿಭಟನೆ

ಮಹಿಳಾ ಮುಂದಾಳುಗಳಾದ ಷರೀಫಾ, ಪಚ್ಚೆಮ್ಮ ಕುಂಬಾರ, ಹೊನ್ನೂರುಬೀ, ಮಮತಾಜ್ ಬೇಗಂ ಗಂಗಾವತಿ, ಲಕ್ಷ್ಮೀದೇವಿ ಮಾತನಾಡಿ,‘ಪಟ್ಟಣದ ಕೆಲ ವಾರ್ಡ್‌ಗಳ ಮಹಿಳೆಯರು ಅನೇಕ ವರ್ಷಗಳಿಂದ ಈ ಶೌಚಾಲಯ ಬಳಕೆ ಮಾಡುತ್ತಿದ್ದು, ಕಳೆದ ಒಂದು ವರ್ಷದಿಂದಲೂ ಜಾಲಿ ಬೆಳೆದು ತೊಂದರೆಯಾಗಿದೆ. ಈಚೆಗೆ ಮಳೆ ನೀರು ನಿಂತು ಸಮಸ್ಯೆ ಉಂಟಾಗಿದೆ’ ಎಂದು ಅವರು ಹೇಳಿದರು.

ಅನೇಕ ಸಲ ಮನವಿ ಮಾಡಿದರೂ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳು ಸ್ಪಂದಿಸುತ್ತಿಲ್ಲ ಎಂದೂ ಅವರು ದೂರಿದರು.

ಬೆಳೆದು ನಿಂತಿರುವ ಜಾಲಿ ಗಿಡಗಳನ್ನು ಕಡಿದು ಹಾಕಬೇಕು. ಗಲೀಜು ನೀರು ಬೇರೆಡೆಗೆ ಹರಿಯುವಂತೆ ಮಾಡಬೇಕು ಎಂದು ಒತ್ತಾಯಿಸಿದರು.

ತ್ವರಿತ ಗತಿಯಲ್ಲಿ ಈ ಕೆಲಸ ಮಾಡದಿದ್ದರೆ ಮತ್ತೊಮ್ಮೆ ಪ್ರತಿಭಟನೆ ನಡೆಸಲಾಗುವುದು ಎಂದು ಅವರು ಎಚ್ಚರಿಕೆ ನೀಡಿದರು.

ಪ್ರಮುಖರಾದ ಯಂಕಮ್ಮ ಮಾದಿನಾಳ, ಲಕ್ಕಮ್ಮ, ನಾಗಮ್ಮ ಆರೇರ್ ಹಾಗೂ ಶಿವಮ್ಮ ಇದ್ದರು.