ಭಾರತೀನಗರ: ಸಮೀಪದ ಅಂಬರಹಳ್ಳಿ ಗ್ರಾಮದಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಯುಕ್ತ ಗೆಳೆಯರ ಬಳಗದ ವತಿಯಿಂದ ನ.1ರಂದು ಮಧ್ಯಾಹ್ನ 12ಕ್ಕೆ ನಾಟಿಕೋಳಿ ಸಾರಿನಲ್ಲಿ ರಾಗಿಮುದ್ದೆ ಉಣ್ಣುವ ಸ್ಪರ್ಧೆ ಆಯೋಜಿಸಲಾಗಿದೆ.
ಗ್ರಾಮದ ಹಾಲಿನ ಡೇರಿ ಆವರಣದಲ್ಲಿ ಸ್ಪರ್ಧೆ ನಡೆಯಲಿದ್ದು, ಸ್ಪರ್ಧಾರ್ಥಿಗಳಿಗೆ ₹100 ಪ್ರವೇಶ ಶುಲ್ಕವಿರುತ್ತದೆ. ವಿಜೇತರಿಗೆ ಕ್ರಮವಾಗಿ ₹ 4,000, ₹2,000 ನಗದು ಬಹುಮಾನ ನೀಡಲಾಗುವುದು.
15 ವರ್ಷ ಮೇಲ್ಪಟ್ಟ ಗ್ರಾಮದ ಪುರುಷ ಮತ್ತು ಮಹಿಳೆಯರಿಗಾಗಿ ಮಧ್ಯಾಹ್ನ 3ಕ್ಕೆ ಮಡಕೆ ಹೊಡೆಯುವ ಸ್ಪರ್ಧೆ ನಡೆಯಲಿದೆ. ಪುರುಷ ಮತ್ತು ಮಹಿಳೆಯರಿಗೆ ಪ್ರತ್ಯೇಕವಾಗಿ ₹12,000 ಬೆಲೆ ಬಾಳುವ ಎಲ್‌ಇಡಿ ಟಿವಿ ಬಹುಮಾನ ನೀಡಲಾಗುತ್ತದೆ. ಮಾಹಿತಿಗೆ ಗ್ರಾಮ ಪಂಚಾಯಿತಿ ಸದಸ್ಯ ಎ.ಎಸ್.ಮನೋಹರ ಅವರ ಮೊ: 9986260282, ಎ.ಕೆ. ಗೌರೀಶ ಮೊ: 9535919147 ಸಂಪರ್ಕಿಸಲು ಕೋರಲಾಗಿದೆ.
